அமெரிக்க ஓபன் சாம்பியன் ஆனார் மாரட் சாஃபின்
நியூயார்க்:
நியூயார்க்கில் நடைபெற்ற அமெரிக்க ஓபன் டென்னிஸ் போட்டியில் ஆண்கள்ஒற்றையர் பட்டத்தை ரஷ்யாவின் மாரட் சாஃபின் வென்றார்.
ஞாயிற்றுக்கிழமை நடைபெற்ற இறுதிச் சுற்று ஆட்டத்தில் அவர் அமெரிக்காவின் பீட்சாம்ப்ராஸை 6-4, 6-3, 6-3 என்ற நேர் செட்டுகளில் தோற்கடித்தார். இந்த ஆட்டம் 1மணி 38 நிமிடங்களுக்கு நீடித்தது.
இந்த வெற்றியின் மூலம் ரூ.3.6 கோடி பரிசுப் பணத்தை அவர் வென்றார். அமெரிக்கஓபன் டென்னிஸ் ஆண்கள் ஒற்றையர் பட்டத்தை வென்ற முதல் ரஷ்யர் என்றபெருமையையும் சாஃபின் பெற்றார்.
10 ஆண்டுகளுக்குப் பிறகு மிகக் குறைந்த வயதில் அமெரிக்க ஓபன் பட்டம் வென்றஎன்ற பெருமையையும் பெற்றார் 20 வயதான மாரட் சாஃபின்.
முதல்முறையாக கிராண்ட் ஸ்லாம் சாம்பியன் பட்டம் வென்றுள்ள மாரட் சாஃபின்,இந்த வெற்றியின் மூலம் பீட் சாம்ப்ராஸின் 14-வது கிராண்ட் ஸ்லாம் கனவைமுறியடித்தார்.
சனிக்கிழமை நடந்த பெண்கள் ஒற்றையர் பெண்கள் இறுதி ஆட்டத்தில்அமெரிக்காவின் வீனஸ் வில்லியம்ஸ், சக நாட்டவரான லின்ட்ஸே தேவன்போர்ட்டைத்தோற்கடித்து கோப்பையை வென்றார் என்பது குறிப்பிடத்தக்கது.