இங்கிலாந்து சினிமாவில் செக்ஸ் "அன்லிமிடெட்

லண்டன்:

திரைப்படங்களில் அதிக செக்ஸ் காட்சிகள் இடம் பெறவேண்டும் என்று பிரிட்டிஷ் மக்கள் கூறியுள்ளனர்.

உலகம் முழுவதும் திரைப்படங்களில் ஓரளவு செக்ஸ் காட்சிகள் இருந்தால் அதை 18 வயதுக்கு உட்பட்டவர்கள் பார்க்கக்கூடாது என்பதைத் தெரிவிக்கஅப் படங்களுக்கு ஏ சான்றிதழ் அளிக்கப்படுகிறது.

கதைக்கு ஏற்ற வகையில் இருக்கும் செக்ஸ் காட்சிகளைத் தவிர கூடுதலாக இருக்கும் காட்சிகளை வெட்டிவிடும்படி சான்றிதழ் அளிக்கும் முன் தணிக்கைஅதிகாரிகள் கூறுவார்கள். அதன்படி கூடுதல் காட்சிகள் வெட்டப்பட்ட பிறகுதான் அப் படத்துக்குச் தணிக்கைச் சான்றிதழ் வழங்கப்படும்.

இது உலகம் முழுவதும் பின்பற்றப்பட்டு வரும் முறை. ஆனால், பிரிட்டிஷ் மக்கள் திரைப்படங்களில் அதிக செக்ஸ் காட்சிகள் இடம் பெறவேண்டும் என்றுகருத்து கூறியுள்ளனர்.

திரைப்படங்களில் செக்ஸ் பற்றி எடுக்கப்பட்ட கருத்துக் கணிப்பில் மக்கள் இவ்வாறு கூறியுள்ளனர். திரைப்படங்களில் ஏற்றுக் கொள்ளக்கூடிய அளவுக்குசெக்ஸ் காட்சிகள் இருந்தால், அது தொடர்பாக தங்களது எண்ணங்களையும் கருத்துக்களையும் மாற்றிக் கொள்வோம் என்று அவர்கள் கூறியுள்ளனர்.

மக்களின் இந்த கருத்தை அடுத்து பிரிட்டிஷ் தணிக்கைக் குழுவினர் வயது வந்தோர்களுக்கான படங்களுக்கு சான்றிதழ் அளிப்பதில் விதிமுறைகளைச் சற்றுதளர்த்தியுள்ளனர்.

மிக மோசமான செக்ஸ் காட்சிகளைத் தவிர மற்ற செக்ஸ் காட்சிகளை வெட்டுவதில்லை என்று அவர்கள் முடிவு செய்துள்ளனர். மக்கள் தங்கள்கருத்துக்களைத் தெரிவித்து 6 மாதத்துக்குப் பிறகு இத்தகைய முடிவை தணிக்கைக் குழுவினர் மேற்கொண்டுள்ளனர்.