இந்தியா வருகிறார் அமெரிக்க கடற்படை தளபதி

டெல்லி:

அமெரிக்க கடற்படை தளபதி அட்மிரல் டெனிஸ் பிளேர் செப்டம்பர் 20 ம் தேதி முதல் நான்கு நாட்கள் சுற்றுப்பயணமாக இந்தியா வருகிறார்.

இந்தியா வரும் அவர், இந்திய கடற்படைத் தளபதி அட்மிரல் சுசீல்குமார், ராணுவத் தளபதி வி.பி.மல்லிக், விமானப் படைத் தளபதி டிப்னிஸ் ஆகியோரைசந்தித்துப் பேச்சுவார்த்தை நடத்துகிறார்.

மும்பையிலுள்ள கடற்படைத் தலைமையகத்தையும் பார்வையிடுகிறார் பிளேர். அதற்கு முன் இந்தோனேசிய கடற்படைத் தளபதி அட்மிரல் அச்மத்சுதாய்ப்தோ வரும் ஞாயிற்றுக்கிழமை முதல் 3 நாட்கள் சுற்றுப்பயணம் மேற்கொள்கிறார்.