ஆண்களுக்கான 400 மீட்டர் பிரீஸ்டைல் நீச்சலில் ஒலிம்பிக் சாதனை முறியடிப்பு

சிட்னி:

ஆண்களுக்கான 400 மீட்டர் பிரீஸ்டைல் நீச்சல் பிரிவில் ஒலிம்பிக் சாதனைமுறியடிக்கப்பட்டது.

சனிக்கிழமை நடைபெற்ற தகுதிச் சுற்றில் ஆஸ்திரேலிய வீரர் இயான் தோர்பே பந்தயதூரத்தை 3 நிமிடம் 44.65 விநாடிகளில் நீந்திக் கடந்து இச் சாதனையைப் படைத்தார்.

முந்தைய ஒலிம்பிக் சாதனை 3 நிமிடம் 45.00 விநாடிகள். 1992-ம் ஆண்டு பார்சிலோனாஒலிம்பிக்கில் ரஷ்ய வீரர் யவ்கேனி சடோவி இச் சாதனையைப் படைத்தார்.

ஒலிம்பிக் சாதனையை முறியடித்தது எனக்கு மிகவும் மகிழ்ச்சியாக உள்ளது என்றார்தோர்பே. 1998-ம் ஆண்டு 400 மீட்டர் பிரீஸ்டைல் நீச்சலில் வெற்றி பெற்ற இளம் உலகசாம்பியன் என்ற பட்டத்தைப் பெற்றவர் தோர்பே என்பது குறிப்பிடத்தக்கது.

சிட்னி ஒலிம்பிக்கில் 400 மீட்டர் பிரீஸ்டைல் பிரிவில், 1996ம் ஆண்டு

அட்லாண்டா ஒலிம்பிக்கில் வெள்ளிப் பதக்கம் வென்ற இங்கிலாந்தின் பால் பால்மர் தகுதிச்சுற்றில் தோல்வியடைந்தார் என்பது குறிப்பிடத்தக்கது.