மனைவியின் உடல் நிலை மோசம்: அவசரமாக ஊர் திரும்பினார் சாமரான்ச்

சிட்னி:

மனைவியின் உடல் நிலை மோசமடைந்ததை அடுத்து சர்வதேச ஒலிம்பிக் சங்கத் தலைவர்ஜுவான் அந்தோனியோ சாமரான்ச் அவசரமாக தனது தாய்நாட்டுக்குத் திரும்பினார்.

சிட்னியில் இந்த மில்லேனியத்தின் முதல் ஒலிம்பிக் போட்டி நடைபெறுவதை அடுத்ததுஅவர் சிட்னியில் இருந்தார். அவர் சிட்னிக்கு வந்தபோதே அவரது மனைவி மரியாதெரசாவின் உடல்நிலை சரியில்லாமல் இருந்தார்.

ஆனால், திடீரென்று மனைவியின் உடல்நிலை சனிக்கிழமை மிகவும் மோசமடைந்ததைஅடுத்து அவர் சிட்னியை விட்டு அவரசமாக தாய்நாடான ஸ்பெயினுக்குத் திரும்பினார்.

சாமரான்ச் தாய்நாடு திரும்பியதை அடுத்து அவரது பொறுப்புக்களை சர்வதேச ஒலிம்பிக்சங்கத் துணைத் தலைவர் டிக் பவுன்ட் கவனிப்பார் என்று சங்கத்தின் இயக்குநர் ஜெனரல்பிரான்கோயிஸ் கார்ரார்டு தெரிவித்தார்.

ஒலிம்பிக் போட்டியின் தொடக்க விழா நிகழ்ச்சிகள் நடைபெற்றுக் கொண்டிருந்தபோதேதகவல் வந்ததை அடுத்து அடுத்த சில மணி நேரத்தில் சாமரான்ச் ஸ்பெயின் புறப்பட்டார்.