4

சிட்னி:

4 X 100 மீட்டர் தொடர் நீச்சலில் அமெரிக்காவின் பெண்கள் அணி உலக சாதனைபடைத்தது.

சனிக்கிழமை நடைபெற்ற இப் போட்டியில் அமி வான் டைகென், தாரா டோரெஸ்,கோர்ட்னி ஷீலி மற்றும் ஜென்னி தாம்சன் ஆகியோர் கொண்ட அணி பந்தைய தூரத்தை3 நிமிடம் 36.61 விநாடிகளில் கடந்து உலக சாதனை படைத்தது.

இதற்கு முன் 1994-ம் ஆண்டு ரோமில் நடைபெற்ற போட்டியில் சீன அணி பந்தயதூரத்தை 3 நிமிடம் 37.91 விநாடிகளில் கடந்ததுதான் சாதனையாக இருந்தது.

ஹாலந்து பெண்கள் அணி வெள்ளிப் பதக்கத்தையும், ஸ்வீடன் அணி வெண்கலப்பதக்கத்தையும் வென்றது.

இப்போட்டியில் தங்கம் வென்றதன் மூலம் அமெரிக்காவின் ஜென்னி தாம்சன் தனது6-வது ஒலிம்பிக் தங்கப்பதக்கத்தை வென்று சாதனை படைத்தார்.

இதற்கு முன் கிழக்கி ஜெர்மனி வீராங்கனை கிறிஸ்டின் ஓட்டோ 6 ஒலிம்பிக் நீச்சல்தங்கப் பதக்கங்களை வென்று சாதனை படைத்தார்.