ஹாக்கி: அர்ஜென்டினாவை வென்று பழிதீர்த்தது இந்தியா
சிட்னி:
சிட்னி ஒலிம்பிக்கில் இந்தியா தனது முதல் வெற்றியைப் பெற்றது. ஆண்கள் ஹாக்கிப்போட்டியில் அர்ஜென்டினாவுக்கு எதிரான ஆட்டத்தில் இந்தியா 3-0 என்ற கோல்கணக்கில் வெற்றி பெற்றது.
இதன் மூலம் 1996-ம் ஆண்டு அட்லாண்டாவில் நடைபெற்ற ஹாக்கிப் போட்டியில்அர்ஜென்டினாவிடம் தோற்றதற்கு இந்தியா பழி தீர்த்துக் கொண்டது.
இந்த வெற்றியை அடுத்து பதக்கக் கனவில் அடுத்த படிக்கு இந்தியா முன்னேறியுள்ளது.
இந்திய அணியில் சமீர் டாட் இரு கோல்களும், முகேஷ் குமார் ஒரு கோலும்போட்டனர். இடைவேளையின்போது இந்தியா 2-0 என்ற கோல் கணக்கில்முன்னிலையில் இருந்தது.
ஆட்டம் தொடங்கிய 24-வது நிமிடத்தில் கிடைத்த பெனால்டி கார்னர் வாய்ப்பைப்பயன்படுத்தி இந்திய வீரர் சமீர் டாட் முதல் கோல் போட்டார். இரண்டாவது கோலை34-வது நிமிடத்தில் முகேஷ் குமார் போட்டார்.
இரண்டாவது பாதியில் 60-வது நிமிடத்தில் சமீர் டாட் மேலும் ஒரு கோல் போட்டுஇந்தியாவின் வெற்றியை உறுதிப்படுத்தினார்.
இந்தியா அடுத்து 19-ம் தேதி ஆஸ்திரேலியாவை எதிர்த்து விளையாட உள்ளது.
யு.என்.ஐ.