பெட்டிக்கடை to

இந்த மில்லேனியத்தின் முதல் ஒலிம்பிக் போட்டியான சிட்னி 2000 ஒலிம்பிக் போட்டியில் இதுவரை கலந்து கொண்ட அணிகளிலேயேபெரிய அணியை இந்தியா அனுப்பியுள்ளது. மொத்தம் 118 பேர் இதில் கலந்து கொள்கின்றனர்.

மொத்தம் உள்ள 30 விளையாட்டுப் பிரிவுகளில் 15 பிரிவுகளில் மட்டும் இந்தியா கலந்து கொள்கிறது. குறிப்பாக பதக்கம்கிடைக்கும் என்று நம்பப்படும் டென்னிஸ், ஹாக்கி, குத்துச்சண்டை, பளுதூக்குதல் ஆகிய பிரிவுகள் தவிர அதலெடிக்ஸ், பாட்மிண்டன்,கால்பந்து, ஜூடோ, படகுப் போட்டி, பாய்மரப் படகுப் போட்டி, துப்பாக்கிச் சுடுதல், நீச்சல், டேபிள் டென்னிஸ், மல்யுத்தம் ஆகியபிரிவுகளில் இந்தியா போட்டியிடுகிறது.

செப்டம்பர் 16-ல் இந்தியா கலந்து கொள்ள உள்ள போட்டிப் பிரிவுகள் விவரம்:

• துப்பாக்கிச் சுடுதல்: பெண்கள் பிரிவு - அஞ்சலி வேத் பதக் (10 மீட்டர் ஏர் ரைஃபிள் - தகுதிச்சுற்று) - மாலை 3.30. ஆண்கள் பிரிவு - அன்வர் சுல்தான் (மேன்ஸ் டிராப் - தகுதிச் சுற்று) -மாலை 3.30

• டேபிள் டென்னிஸ்: சேதன் மற்றும் ராமன் (ஆண்கள் இரட்டையர் - தகுதிச் சுற்று) - மாலை 4.30

• பாட்மிண்டன் (பெண்கள்): பிரிட்டனின் கெல்லி மோர்கனுடன் மோதுகிறார் அபர்னா பொபட் -காலை 8.30
• பளு தூக்குதல் (ஆண்கள்): டி. முத்து (56 கிலோ பிரிவு) - காலை 9.00
• குத்துச் சண்டை: டிங்கோ சிங் (54 கிலோ பிரிவு) - பிற்பகல் 2.00 மணி.