ஒலிம்பிக்கில் இந்தியா

இந்த மில்லேனியத்தின் முதல் ஒலிம்பிக் போட்டியான சிட்னி 2000 ஒலிம்பிக் போட்டியில் இதுவரை கலந்து கொண்ட அணிகளிலேயே பெரிய அணியை இந்தியா அனுப்பியுள்ளது. மொத்தம் 117 பேர் இதில் கலந்து கொள்கின்றனர்.

மொத்தம் உள்ள 31 விளையாட்டுப் பிரிவுகளில் 14 பிரிவுகளில் மட்டும் இந்தியா கலந்து கொள்கிறது. குறிப்பாக பதக்கம் கிடைக்கும் என்று நம்பப்படும் டென்னிஸ், ஹாக்கி, குத்துச்சண்டை, பளுதூக்குதல் ஆகிய பிரிவுகள் தவிர அதலெடிக்ஸ், பாட்மிண்டன், கால்பந்து, ஜூடோ, படகுப் போட்டி, பாய்மரப் படகுப் போட்டி, துப்பாக்கிச் சுடுதல், நீச்சல், டேபிள் டென்னிஸ், மல்யுத்தம் ஆகிய பிரிவுகளில் இந்தியா போட்டியிடுகிறது.

செப்டம்பர் 18-ல் இந்தியா கலந்து கொள்ள உள்ள போட்டிப் பிரிவுகள் விவரம்:

• துப்பாக்கிச் சுடுதல்: ஆண்களுக்கான 10 மீ ஏர் ரைபிள் தகுதிச் சுற்று - அபிநவ் பிந்த்ரா பங்கேற்பு - காலை 3.30

• நீச்சல்: பெண்களுக்கான 200 மீ பிரீஸ்டைல் தகுதிச் சுற்று - நிஷா மில்லெட் பங்கேற்பு - காலை 4.30

• டேபிள் டென்னிஸ்: ஆண்களுக்கான தனிநபர் தகுதிச் சுற்று - பீட்டர் ஜாக்சனுடன் மோதுகிறார் சேதன் பபூர் - காலை 4.30
• பாட்மின்டன்: ஆண்களுக்கான ஒற்றையர் தகுதித் சுற்றுப் போட்டிகள் - டுருஸ்சென்கோவுடன் மோதுகிறார் கோபி சந்த் - காலை 8.30
• குத்துச்சண்டை: ஆண்களுக்கான 75 கிலோ பிரிவில் ஆர் டொனால்டுடன் மோதுகிறார் ஜிதேந்தர் குமார் - காலை 7.30
• பளுதூக்குதல்: பெண்களுக்கான 53 கிலோ பிரிவு - சனமாச்சா சானு பங்கேற்பு - காலை 9.00