வாஜ்பாய்க்கு கிளின்டன் கொடுத்த அறுசுவை டின்னர்

வாஷிங்டன்:

வாஷிங்டன் சென்றுள்ள பிரதமர் வாஜ்பாய்க்கு ஞாயிற்றுக்கிழமை வெள்ளை மாளிகையில் சிறப்பான வரவேற்பு அளிக்கப்பட்டதுடன் அறுசுவை மிகுந்தஉணவு வகைகள் பரிமாறப்பட்டன.

இந்த விருந்தில், அமெரிக்க ஜனாதிபதி கிளின்டன், பிரதமர் வாஜ்பாய் உள்பட பலர் கலந்து கொண்டனர்.

அங்கு வாஜ்பாய்க்கு டார்ஜிலிங் டீ, பச்சைப் பட்டாணி, சிலான்ட்ரோ சூப், உருளைக்கிழங்கு உணவு வகைகள், வொய்ல்டு காப்பர் ரிவர் சேல்மோன், ரெட் க்யூரிஸ்குவாஷ், ஸ்விஸ் சார்டு கஸ்டர்டு, ஹெர்ப் சாலட், தக்காளிப் பழத்தால் செய்யப்பட்ட பதார்த்தங்கள் இரவு உணவாக வழங்கப்பட்டன.

இரவு உணவுக்குப் பின் வாஜ்பாய் அருந்தி மகிழும் வகையில் விதவிதமான ஜூஸ் வகைகள் அவருக்காக வைக்கப்பட்டிருந்தன. மெஜஸ்டிக் டைகர் டிலைட்,சாக்லேட் கோகோநெட், மாங்கோ அன்ட் பன்னீர் லோட்டஸ், லிச்சி அன்ட் ராஸ்பெரி சாஸ் ஆகியவை ஜூஸ் வகைகளில் சில.

அதேபோல் விதவிதமான ஒயின் வகைகளும் வாஜ்பாய் அருந்துவதற்காக வைக்கப்பட்டிருந்தன. எஸ்டேட் 1997, ப்யூனாஸ்யூர்டி க்யூவே 1997, செமிஸ்பராக்லின் 1999 போன்ற பிரான்ட்டுகள் வாஜ்பாய்க்காக ஸ்பெஷலாக ஆர்டர் கொடுக்கப்பட்டு டின்னர் டேபிளில் வைக்கப்பட்டிருந்தன.

ஐ.ஏ.என்.எஸ்.