பளுதூக்குதல்: 3 உலக சாதனைகளை முறியடித்து தங்கம் வென்ற சீன வீராங்கனை

சிட்னி:

பெண்களுக்கான 53 கிலோ எடைப் பிரிவில் சீன வீராங்கனை யாங் ஸியா 3 உலகசாதனைகளை முறியடித்து தங்கப் பதக்கம் வென்றார்.

திங்கள்கிழமை நடந்த இப்போட்டியில் அவர் மொத்தம் 225 கிலோ எடை தூக்கினார்.ஸ்நாட்ச் பிரிவில் 100 கிலோவும் கிளீன் அண்ட் ஜெர்க் பிரிவில் அவர் 125 கிலோவும்தூக்கினார்.

மூன்று பிரிவிலும் அவர் உலக சாதனைகளை முறியடித்து புதிய சாதனையைப்படைத்தார். ஸ்நாட்ச் பிரிவில் 100 எடை தூக்கிய முதல் பெண் யாங் ஸியா என்பதுகுறிப்பிடத்தக்கது.

இப் போட்டியில் தைவானின் லி பெங்-யிங் வெள்ளியும், இந்தோனேஷியாவின்வினார்னி ஸ்லாமெட் வெண்கலமும் வென்றனர்.

ஏற்கெனவே ஆண்களுக்கான 56 கிலோ எடைப் பிரிவில் துருக்கியின் ஹாலில் முட்லு3 உலக சாதனைகளைப் படைத்து தங்கம் வென்றார் என்பது குறிப்பிடத்தக்கது.