நீச்சல்: மெதுவாக நீந்தி "சாதனை" படைத்த கினியா வீரர்
சிட்னி:
சிட்னி ஒலிம்பிக்கில் நீச்சல் போட்டியில் மெதுவாக நீந்தி சாதனை படைத்தார் எரிக் மெளசாம்பனி.
மெற்கு ஆப்பிரிக்க நாடான கினியாவைச் சேர்ந்த 22 வயதான இவர், திங்கள்கிழமை நடைபெற்றஆண்களுக்கான 100 மீட்டர் நீச்சல் பிரிவில் கலந்து கொண்டார்.
மொத்தம் உள்ள 10 சுற்றுக்களில் இவர் முதல் சுற்றில் கலந்து கொண்டார். இவர் பந்தையதூரத்தைக் கடக்க 1 நிமிடம் 52.72 விநாடிகள் எடுத்துக் கொண்டார்.
இது 200 மீட்டர் தூரத்தை ஹாலந்து வீரர் பீட்டர் வான் டென் ஹூகென்பாண்ட் உலக சாதனையுடன் நீந்திக்கடந்த 1 நிமிடம் 45.35 விநாடிகளை விட அதிகம் என்பது குறிப்பிடத்தக்கது.
50 மீட்டர் அளவு நீச்சல் குளத்தை இதற்கு முன் கண்டிராத அவர் முதன்முறையாக ஒலிம்பிக்கில் கலந்துகொண்டார். பந்தைய தூரத்தை மற்ற வீரர்கள் கடந்து முடிந்துவிட்ட நிலையில் இவர் மட்டும்மெதுவாக நீந்திக் கொண்டிருந்தார்.
இப்படி மெதுவாக நீந்தியதை நினைத்து அவரே சற்று வெட்கப்பட்டிருக்கலாம் என்றாலும் நீச்சல்போட்டியைக் காணவந்திருந்த மக்கள் அனைவரும் கைதட்டி அவரை மேலும் உற்சாகப்படுத்தினர்.
கடந்த ஜனவரியிலிருந்துதான் அவர் நீச்சல் போட்டியில் கலந்து கொள்வதற்கான பயிற்சிகளைமேற்கொண்டார். அதுவும் 20 மீட்டர் நீளமுள்ள நீச்சல் குளத்தில்தான். 100 மீட்டர் தூரத்தை அவர் ஒரேமூச்சில் நீந்தியதில்லை. பலமுறை நீந்துவதை நிறுத்தி மூச்சை இழுத்து மீண்டும் நீந்தினார்.
சிட்னி ஒலிம்பிக்கில் நீச்சல் போட்டியில் முதல் 3 நாட்களில் மட்டும் 9 உலக சாதனைகள்படைக்கப்பட்டுள்ளன. அந்த வகையில் மிகவும் வேகமாக நீந்திய சாதனைகள் நீந்திய நீச்சல் குளத்தில்மெதுவாக நீந்தி சாதனை படைத்துவிட்டார் மொளசாம்பனி.
மெளசாம்பனியின் இந்த சாதனையை வேறு யாராவது முறியடிப்பார்களா என்பது சந்தேகமே. இந்த"மெதுவான சாதனையை" படைத்த மெளசாம்பனி ஒரு விஷயத்தில் மிகவும் திருப்திப்பட்டுக்கொள்ளலாம்.
1896-ம் ஆண்டு நடந்த முதல் ஒலிம்பிக்கில் நீச்சல் போட்டியில் 100 மீட்டர் பிரிவில் ஹங்கேரியின்அர்னால்டு கட்மான் எடுத்துக் கொண்ட நேரத்தை விட 30 விநாடிகள் குறைவாக மெளசாம்பனிநீந்தியுள்ளார் என்பது குறிப்பிடத்தக்கது.