அழகிரிக்கு மதுரை மேயர், உள்ளூர் திமுக தலைவர்கள் ஆதரவு

மதுரை:

தனது தந்தை கருணாநிதியுடன் மோதலில் ஈடுபட்டுள்ள அழகிரிக்கு மதுரை மேயர் குழந்தைவேலு, முன்னாள்அமைச்சர் பொன். முத்துராமலிங்கம் உள்ளிட்ட மதுரை முக்கியப் பிரமுகர்கள் ஆதரவு தெரிவித்துள்ளனர்.

மதுரை திமுக அமைப்புச் செயலாளராக உள்ள பொன். முத்துராமலிங்கம் அழகிரியை சந்தித்துப் பேசினார்.அவருக்கு தனது ஆதரவைத் தெரிவித்தார்.

பின்னர் மேயர் குழந்தைவேலு, தேர்தல் பணிக்குழுத் தலைவர் காவேரிமணியம், மாவட்டச் செயலாளர் மூர்த்திஆகியோரும் அவரைச் சந்தித்து முழு ஆதரவு தெரிவித்தனர்.

இது தவிர மதுரை மாவட்ட மத்திய கூட்டுறவு வங்கித் தலைவர் சந்திரன், துணைத் தலைவர் போஸ், ஆவின்தலைவர் மன்னன் உள்ளிட்டவர்களும் அழகிரியைச் சந்தித்து ஆதரவைத் தெரிவித்தனர். இவர்கள் அனைவருமேஅழகிரியால் பதவிகளை அடைந்தவர்கள் என்பது குறிப்பிடத்தக்கது.

வழக்கமாக திமுகவிலிருந்து யாராவது நீக்கப்பட்டால், அவருடன் கட்சியின் எந்தத் தொடர்பும் வைத்துக் கொள்ளமாட்டார்கள். ஆனால், அழகிரி முதல்வரின் மகன், விரைவிலேயே தந்தையும் மகனும் சேர்ந்து கொள்வார்கள்.இதனால், ஏன் அழகிரியைப் பகைத்துக் கொள்ள வேண்டும் என்ற எண்ணத்தில் அவரை திமுகவினர் தொடர்ந்துசந்தித்து ஆதரவு தெரிவித்து வருகின்றனர்.

தொண்டர்களுடன் அழகிரியைப் படம் எடுத்த பத்திரிக்கையாளர்கள் முயன்றபோது, நல்லா படம் புடுச்சுபோடுங்க. அப்பத்தான் எனக்கு யாரெல்லாம் ஆதரவு தருகிறார்கள் என்று பேராசிரியருக்கு (அன்பழகனுக்கு)தெரிய வரும் என்றார்.