இந்தியாவில் STD

டெல்லி:

உள்நாட்டு தொலைதூரத் தொலைபேசிக் கட்டணம் 25 சதவீதம் குறைக்கப்பட்டுள்ளது.

இதற்கான மத்திய அரசின் அறிவிப்பை மத்திய தொலைத் தொடர்புத் துறை இணைஅமைச்சர் தபன் சிக்தர் வியாழக்கிழமை வெளியிட்டார்.

பீக் அவர் என்று கூறப்படும் அலுவல் நேரத்தில் செய்யப்படும் எஸ்.டி.டி.தொலைபேசிகளுக்கான இந்த விலை குறைப்பு, அக்டோபர் 1-ம் தேதி முதல்அமல்படுத்தப்படுகிறது.

விலைக் குறைப்புடன் பீக் அவர் நேரமும் மாற்றியமைக்கப்பட்டுள்ளது. இதுவரை காலை8 மணி முதல் இரவு 7 மணி வரை இருந்த பீக் அவர், இனி காலை 9 மணி முதல் இரவு 8மணி வரை பீக் அவராகக் கருதப்படும்.

பாஜக அரசு பதவியேற்ற பிறகு முதன்முறையாக பீக் அவர் கட்டணம்குறைக்கப்பட்டுள்ளது. அதே நேரத்தில் தொலைபேசி வைத்திருப்பதற்கான வாடகைகுறைக்கப்படவில்லை என்றார் அமைச்சர்.

இந்திய தொலைபேசி ஒழுங்குமுறை ஆணையத்தின் மாற்று கட்டண விகிதப்படி இப் புதியதொலைபேசிக் கட்டணம் குறைக்கப்பட்டுள்ளது.

புதிய கட்டண விகிதம் (ஒரு பல்ஸ்க்கு):

1,000 கிலோ மீட்டர்களுக்கு மேல் - ரூ. 73.20 (பழைய கட்டணம் ரூ. 87.60)

501 முதல் 1,000 கிலோமீட்டர் வரை - ரூ. 54.00 (பழைய கட்டணம் ரூ. 62.40)

201 முதல் 501 கிலோமீட்டர் வரை - ரூ.36.00 (பழைய கட்டணம் ரூ.44.40)

51 முதல் 200 கிலோமீட்டர் வரை - ரூ.15.60 (பழைய கட்டணம் ரூ.16.80).

50 கிலோமீட்டர் வரைக்கான கட்டணத்தில் எந்த மாற்றமும் இல்லை. தொடர்ந்து அக்கட்டணம் ரூ.1.20-ஆகவே இருக்கும்.

யு.என்.ஐ.