ராமர் கோவில்: தேதி முடிவு செய்ய கோவாவில் கூடுகிறது வி.எச்.பி

டெல்லி:

சர்ச்சைக்குரிய பாபர் மசூதி இடிக்கப்பட்ட இடத்தில், ராமர் கோவில் கட்டுமானப் பணிகளைத் துவக்கும் நாள் குறித்து முடிவு செய்ய கோவாவில் விசுவஇந்து பரிஷத் அமைப்பின் தலைவர்கள் கூடுகின்றனர்.

இதற்கிடையே, இப்பிரச்சினை தொடர்பாக விவாதிக்க பாரதிய ஜனதா கட்சித் தலைவர்கள் அடுத்த வாரம் டெல்லியில் கூடி ஆலோசிக்கின்றனர்.

விஸ்வ ஹிந்துப் பரிஷத் கிரிராஜ் கிஷோர் நிருபர்களிடம் வெள்ளிக்கிழமை கூறியதாவது:

அயோத்தியில் பாபர் மசூதி இடிக்கப்பட்ட இடத்தில் ராமர் கோவில் கட்ட தீர்மானித்துள்ளோம். இங்கு வைக்கப்படவுள்ள சிலையைப் போன்ற 10 அடிஉயரமுள்ள மாதிரி ராமர் சிலை ராஜஸ்தான் மாநிலம் ஜெய்ப்பூரில் வடிவமைக்கப்பட்டுள்ளது.

ராமர் கோவிலில் வைக்கப்படவுள்ள சிலை, இந்த மாதிரி சிலையைபோல் 10 மடங்கு அதிக உயரமுடையதாக இருக்கும். கோவில் கட்டுமானப்பணிகளைத் துவங்கும் தேதி குறித்து முடிவு செய்வதற்காக விஸ்வ ஹிந்து பரிஷத் தலைவர்கள் கோவாவில் அக்டோபர் மாதம் 18, 19 ம் தேதிகளில் கூடிஆலோசிப்பார்கள் என்றார்.

பாரதிய ஜனதா கட்சி துணைத் தலைவர் பியாரிலால் கன்டெல்வால் கூறுகையில், 1992 ம் ஆண்டு அயோத்தியில் பாபர் மசூதி இடிக்கப்பட்டது. அந்தஇடத்தில் ராமர் கோவில் கட்டப்படும் என்று நாங்கள் பொதுமக்களுக்கு உறுதியளித்துள்ளோம். அதன்படி, ராமர் கோவில் கட்ட தற்போது முடிவுசெய்துள்ளோம்.

1980 லேயே பாரதிய ஜனதாக் கட்சியும், விஸ்வ ஹிந்து பரிஷத்தும் சேர்ந்து அயோத்தியில் ராமர் கோவில் கட்டுவது குறித்து பிரச்சாரம் செய்தது. ராமர்பிறந்த இடமாகிய அயோத்தியில் ராமர் கோவில் கட்டுவதால் அது பாரதிய ஜனதா கட்சி உள்ள தேசிய ஜனநாயகக் கூட்டணியை எந்த விதத்திலும்பாதிக்காது.

அயோத்தியில் பாபர் மசூதி இடிக்கப்பட்ட இடத்தில், ராமர் கோவில் கட்டப்படுவது குறித்து முஸ்லீம்கள் ஆட்சேபம் தெரிவித்து, அவர்கள் பிரச்சனைகளைஏற்படுத்த முயன்றால் அதை அரசு கவனித்துக் கொள்ளும்.

ராமர் கோவில் அமைப்பதற்கான 40 சதவீத பணிகள் முடிவடைந்து விட்டன. 128 அடி உயரமும், 21 அடி நீளமும், 140 அடி அகலமும் உடைய ராமர் சிலைஅமைக்கப்படும். ராஜஸ்தானில் சலவைக்கல்லால் அமைக்கப்பட்டு வருகிறது ராமர் சிலை.

அயோத்தில் அமைக்கப்படும் இந்தக் கோவிலில் 24 வாசல்கள் அமைக்கப்படும். ராமர் சிலை அமைப்பது, கோவில் கட்டுவது போன்ற அனைத்துத்திட்டங்களும் எங்களிடம் உள்ளன. இதில் மறைப்பதற்கு ஒன்றுமில்லை என்றார் பியாரிலால்.

ஐ.ஏ.என்.எஸ்.