ஒலிம்பிக்கில் இந்தியா

இந்த மில்லேனியத்தின் முதல் ஒலிம்பிக் போட்டியான சிட்னி 2000 ஒலிம்பிக் போட்டியில் இதுவரை கலந்து கொண்ட அணிகளிலேயே பெரிய அணியை இந்தியா அனுப்பியுள்ளது. மொத்தம் 117 பேர் இதில் கலந்து கொள்கின்றனர்.

மொத்தம் உள்ள 31 விளையாட்டுப் பிரிவுகளில் 14 பிரிவுகளில் மட்டும் இந்தியா கலந்து கொள்கிறது. குறிப்பாக பதக்கம் கிடைக்கும் என்று நம்பப்படும் டென்னிஸ், ஹாக்கி, குத்துச்சண்டை, பளுதூக்குதல் ஆகிய பிரிவுகள் தவிர அதலெடிக்ஸ், பாட்மிண்டன், கால்பந்து, ஜூடோ, படகுப் போட்டி, பாய்மரப் படகுப் போட்டி, துப்பாக்கிச் சுடுதல், நீச்சல், டேபிள் டென்னிஸ், மல்யுத்தம் ஆகிய பிரிவுகளில் இந்தியா போட்டியிடுகிறது.

செப்டம்பர் 23-ல் இந்தியா கலந்து கொள்ள உள்ள போட்டிப் பிரிவுகள் விவரம் :

அதலெடிக்ஸ்:

• பெண்களுக்கான ஹெப்டதலான் (100 மீட்டர் தடைதாண்டி ஓட்டம், உயரம் தாண்டுதல், குண்டு எறிதல்)- ஜி. பரிமளா, சோமா பிஸ்வாஸ் பங்கேற்பு - காலை 4 மணி முதல்.
  
• பெண்களுக்கான 400 மீட்டர் ஓட்டம் (இரண்டாவது சுற்று) - கே.எம். பீனா மோல் பங்கேற்பு - பிற்பகல் 2.15.
  ஹாக்கி:
  • ஆண்களுக்கான பி பிரிவு ஆட்டம் - ஸ்பெயினுடன் இந்தியா மோதல் - காலை 10.00.