மத அடையாளத்தைக் கைவிடுகிறது இலங்கை முஸ்லீம் காங்.

கொழும்பு:

இலங்கையில் உள்ள முக்கிய கட்சியான, இலங்கை முஸ்லீம் காங்கிரஸ் மத அடையாளத்தை கைவிட முடிவுசெய்துள்ளது.

இலங்கை முஸ்லீம் காங்கிரஸ் கட்சி இணைத் தலைவர் ஹக்கீம் இதுகுறித்து சன்டே டைம்ஸ் பத்திரிக்கைக்கு அளித்தபேட்டி:

இலங்கை முஸ்லீம் காங்கிரஸ் என்ற கட்சி பெயரில் முஸ்லீம் என்ற மத அடையாளம் உள்ளது. இதை மாற்றவேண்டும். மத அடையாளத்தை விட்டு விட்டு உண்மையான அரசியல் கட்சியாக உருவெடுக்கும்.

நாளடைவில், புதிதாக உருவாக்கப்பட்டுள்ள தேசிய ஐக்கிய கூட்டணியுடன், இலங்கை முஸ்லீம் காங்கிரஸ்இணையும் வாய்ப்பும் உள்ளது.

கட்சியில் முஸ்லீம் என்ற மதத்தின் பெயர் ஒட்டிக் கொண்டிருப்பதால் அரசியலில் பரிமளிக்க வாய்ப்புக்கள் குறைவு.இதைத் தடுத்து நிறுத்தும் வகையில் இந்த முடிவு எடுக்கப்பட்டுள்ளது. சமீபத்தில் விமான விபத்தில் இறந்த கட்சித்தலைவரும், அமைச்சருமான அஷ்ரப் தேசிய அளவில் மிகப்பெரிய தலைவர் என்று கூறியிருந்தார் ஹக்கீம்.

கடந்த செப்டம்பர் 16 ம் தேதி இலங்கை முஸ்லீம் காங்கிரஸ் தலைவர் மற்றம் துறைமுக அமைச்சர் அஷ்ரப் விமானவிபத்தில் இறந்ததையடுத்து அக்கட்சியின் இணைத்தலைவராக ஹக்கீம் நியமிக்கப்பட்டார்.

ஐ.ஏ.என்.எஸ்.