வாஜ்பாய் அடித்த "சிக்ஸர்

வாஷிங்டன்:

அமெரிக்க பயணத்தின் மூலம் சிக்ஸர் அடித்துள்ளார் பிரதமர் வாஜ்பாய் என்றுமுன்னாள் அமெரிக்க தூதர் டென்னிஸ் கக்ஸ் கூறியுள்ளார்.

இந்தியா-அமெரிக்கா: பழம்பெரும் ஜனநாயக நாடுகள் என்ற தலைப்பில் புத்தகம்எழுதியுள்ளவர் கக்ஸ்.

வாஜ்பாயின் சமீபத்திய அமெரிக்க பயணம் குறித்து இவர் கூறுகையில், கடந்த மார்ச்மாதம் இந்தியாவுக்கு சுற்றுப்பயணம் செய்து சிக்ஸர் அடித்தார் கிளிண்டன். அதற்குப்பதிலாக தற்போது வாஜ்பாயும் ஒரு சிக்ஸர் அடித்துள்ளார்.

வாஜ்பாயும், அவருடன் வந்திருந்தவர்களும், தங்களது அமெரிக்க பயணத்தின்போது,இரு நாட்டு உறவையும் மேம்படுத்த வேண்டிய ஒவ்வொரு நடவடிக்கையையும்மிகவும் ஆர்வமுடன் மேற்கொண்டது என்னைக் கவர்ந்தது.

வாஜ்பாயின் பேச்சு அமெரிக்கர்களை வெகுவாகக் கவர்ந்தது. அவரது பேச்சில் இருந்தஅழுத்தம், உண்மைகள், தகவல்கள் அமெரிக்கர்களை யோசிக்க வைத்தது.

வாஜ்பாயின் அமெரிக்க பயணம் மிகவும் வெற்றிகரமானதாக அமைந்தது என்றுதாராளமாக கூறலாம் என்றார் அவர்.

ஐ.ஏ.என்.எஸ்.