டென்னிஸ்: தங்கப் பதக்கச் சுற்றில் வீனஸ் வில்லியம்ஸ் -எலீனா டெமென்டீவா

சிட்னி:

டென்னிஸ் போட்டியில் பெண்களுக்கான ஒற்றையர் இறுதிச் சுற்றில் விளையாடஅமெரிக்காவின் வீனஸ் வில்லியம்ஸும் ரஷ்யாவின் எலீனா டெமென்டீவாவும்மோதுகின்றனர்.

இந்த ஆட்டத்தில் வெற்றி பெறுபவருக்குத் தங்கப் பதக்கமும் தோற்பவருக்குவெள்ளிப் பதக்கமும் கிடைக்கும்.

திங்கள்கிழமை அரையிறுதி ஆட்டங்கள் நடைபெற்றன. முதல் ஆட்டத்தில் வீனஸ்வில்லியம்ஸும், மற்றொரு அமெரிக்க வீராங்கனை மோனிகா செலஸும் மோதினர்.

இதில் 6-1, 4-6, 6-3 என்ற செட் கணக்கில் வீனஸ் வில்லியம்ஸ் வெற்றி பெற்றார். இதுஅவர் தொடர்ந்து வெற்றி பெறும் 31-வது ஆட்டம் என்பது குறிப்பிடத்தக்கது.

மற்றொரு அரையிறுதியில் ஆஸ்திரேலியாவின் ஜெலீனா டோகிக்கும், ரஷ்யாவின்எலீனா டெமென்டீவாவும் மோதினர். இதில் 2-6, 6-4, 6-4 என்ற செட் கணக்கில்டெமென்டீவா வெற்றி பெற்றார்.

இறுதி ஆட்டம் செவ்வாய்க்கிழமை நடைபெறும். அதற்கு முன்னதாக வெண்கலப்பதக்கத்துக்கான ஆட்டம் நடைபெறும். அதில் செலஸும் டோகிக்கும் மோதுவர்.