கயாக்கிங்: ஒலிம்பிக்கில் 9-வது பதக்கம் வென்று சாதனை படைத்தார் ஜெர்மனி வீராங்கனை பிஷ்சர்

சிட்னி:

கனோயிங் மற்றும் கயாக்கிங் போட்டியில் பெண்களுக்கான கே4-500 மீட்டர் பிரிவில் ஜெர்மனிமகளிர் தங்கப் பதக்கம் வென்றனர்.

சனிக்கிழமை நடைபெற்ற இப் போட்டியில் ஜெர்மனி மகளிர் அணி பந்தைய தூரத்தை 1 நிமிடம் 34.532விநாடிகளில் கடந்து தங்கம் வென்றனர்.

இதன் மூலம் ஜெர்மனி அணியில் இடம் பெற்ற பிர்கிட் பிஷ்சர் ஒலிம்பிக்கில் 9-வது பதக்கத்தைவென்று சாதனை படைத்தார். இதில் 6 தங்கப் பதக்கங்கள், 3 வெள்ளிப் பதக்கங்களாகும்.

இது தவிர ஒலிம்பிக்கில் 6 தங்கப் பதக்கங்கள் வென்ற மூன்றாவது ஜெர்மனி நாட்டவர் என்றபெருமையை அவர் பெற்றார். ஏற்கெனவே, குதிரையேற்றத்தில் ரீனர் கிளிம்கே, நீச்சலில் கிர்ஸ்டன்ஓட்டோ ஆகியோர் 6 தங்கப் பதக்கங்களை வென்று சாதனை படைத்துள்ளனர்.

1980-ம் ஆண்டு மாஸ்கோ ஒலிம்பிக் முதல் சிட்னி ஒலிம்பிக் வரை கயாக்கிங் போட்டியில் பிஷ்சர்தொடர்ந்து தங்கப் பதக்கம் வென்று வருகிறார். இடையில் 1984 லாஸ் ஏஞ்சலீஸ் ஒலிம்பிக்கில் அவர்கலந்து கொள்ளவில்லை.