இன்று பிறக்கிறது புதுவை மக்கள் காங்கிரஸ்

புதுச்சேரி:

தமிழ் மாநில காங்கிரஸ் கட்சியிலிருந்து விலகிய கண்ணன், புதுச்சேரி மக்கள் காங்கிரஸ் என்ற புதிய கட்சியை திங்கள்கிழமை துவக்குகிறார்.

கண்ணன் புதுவை தமாகா தலைவராக இருந்தார். மூப்பனாருடன் ஏற்பட்ட கருத்து வேறுபாடு காரணமாக அவர் தமிழ் மாநில காங்கிரஸ் கட்சியிலிருந்துவிலகினார்.

தற்போது தமாகா கட்சியிலுள்ள 3 எம்.எல்.ஏ.க்கள் இவரது கட்சியில் உள்ளனர். மேலும் ஏற்கனவே புதிய கட்சி துவக்குவது பற்றி கண்ணன்தனது ஆதரவாளர்களுடன் ஆலோசனை நடத்தி வந்தார்.

இதையடுத்து, கடந்த வாரம் புதுச்சேரி மக்கள் காங்கிரஸ் என்ற பெயரில் தேர்தல் ஆணையத்தில் புதிய கட்சியைப் பதிவு செய்தார்.

காந்தி பிறந்த நாள் மற்றும் காமராஜ் நினைவுநாளான திங்கள்கிழமை இவர் கட்சியைத் துவக்குகிறார். இதற்காக பச்சை, வெள்ளை ஆகிய மூவர்ணகொடி தயாராகியுள்ளது. இதில் பிஎம்சி என்று எழுத்து பொறிக்கப்பட்டுள்ளது.