தமிழில் 3 தங்கப் பதக்கம் வென்ற ரஜினி ரசிகர்

மொடக்குறிச்சி:

ராகவேந்திரர் குறித்து ஆய்வுக் கட்டுரையைச் சமர்ப்பித்து, "படையப்பா ஸ்டைலில் வந்து, எம்.ஏ, தமிழ் பட்டப்படிப்பில் 3 தங்கப் பதக்கங்களைப் பெற்றுத் திரும்பினார் மொடக்குறிச்சி ஆன்மீக ரஜினி ரசிகர் மன்றத்தின்தலைவர் ஞானதீபன்.

ஈரோடு மாவட்டம் மொடக்குறிச்சியைச் சேர்ந்தவர் ஞானதீபன். இவர் எம்.ஏ. தமிழ்ப் பாடத்தில் மூன்று தங்கப்பதக்கங்களை இந்த மாணவர் வென்றுள்ளார்.

பாரதியார் பல்கலைக் கழகம் வழங்கும் ஒரு தங்கப் பதக்கம், மாரிமுத்து அறக்கட்டளை மற்றும் சிற்பிஅறக்கட்டளை சார்பாக இரண்டு தக்கப் பதக்கங்களையும் வென்றுள்ளார்.

வியாழக்கிழமை நடந்த பட்டமளிப்பு விழாவில் கவர்னர் பாத்திமா பீவியிடமிருந்து இந்த பதக்கங்களை இவர்பெற்றுக் கொண்டார்.

சிறு வயது முதலே ரஜினியின் மீது அளவு கடந்த பிரியம் கொண்ட ஞானதீபன், சிக்கண்ணா நாயக்கர் கல்லூரியில்பி.ஏ. தமிழ் படித்தார். இதிலும் முதலிடம் பெற்றார். பின்னர் இதே கல்லூரியில் தனது எம்.ஏ.படிப்பைத் தொடர்ந்தஇவர், தனது ஆய்வுக் கட்டுரைக்காக ஸ்ரீ ராகவேந்திரர் வாழ்க்கையை தேர்ந்தெடுத்தார்.

வியாழக்கிழமை பட்டம் பெற வந்தபோது தனது ரசிகர் மன்ற படையுடன் "படையப்பா வாக வந்து பல்கலைவளாகத்தை கலகலக்க வைத்து விட்டார்.

இவர் கூறுகையில், "நான் தற்போது பாரதிதாசன் பல்கலைக் கழகத்தில் "சித்த மருத்துவப் பாடல்களில் மருத்துவக்குறிப்புகள் என்ற தலைப்பில் பி.எச்.டி பட்டம் பெற ஆய்வுகள் மேற்கொண்டு வருகிறேன்.

எம்.ஏ. தமிழில் மூன்று பதக்கங்களை வென்றதில் மகிழ்ச்சியடைகிறேன். ரஜினி ராகவேந்திரரின் பக்தர், நானும்ராகவேந்திரரின் ரசிகன். எனவே பாடத்திட்டத்தில் ஆய்வுக்கு ராகவேந்திரரையே தேர்வு செய்தேன்.

கன்னடநடிகர் ராஜ்குமார் கடத்தல் பிரச்னைக்கு பின்னர் தங்க மெடல்களுடன் சென்று ரஜினியின் ஆசியைப் பெறஉள்ளேன் என்றார்.

டாக்டர் ஆப் சயின்ஸ் வென்ற விவசாயி: கர்நாடக மாநிலம், பாகல்பூரைச் சேர்ந்தவர் ஹேசா கவுடர் (45). இவர்விவசாயக் குடும்பத்தைச் சேர்ந்தவர். பாரதியார் பல்கலைக் கழகத்தின் 16வது பட்டமளிப்பு விழாவில் டி.எஸ்சிபட்டம் பெற்றவர் இவர் ஒருவர் மட்டுமே.

இவர் தற்போது திருவனந்தபுரத்தில் உள்ள பாலோடு என்ற இடத்தில், "டிராபிகல் பொட்டானிக் கார்டன் ரிசர்ச்இன்ஸ்டியூட்டில் மூத்த விஞ்ஞானியாக பணியாற்றி வருகிறார்.

மேலும், இவர் "இன்டியன் பைட்டோபேத்தலாஜிகல் சொசைட்டி, அமெரிக்கன் பையோகிராபிகல் இன்ஸ்டியூட்,நேஷனல் அகாடமி ஆப் சயின்ஸ் ஆகியவற்றில் உறுப்பினராகவும் உள்ளார்.