அமெரிக்க நிறுவனத்துடன் கோவை கே.ஜி. நிறுவனம் ஒப்பந்தம்

கோவை:

அமெரிக்க நிறுவனம் ஒன்றுடன் கோவையில் உள்ள கே.ஜி.இன்பர்மேஷன் சிஸ்டம்நிறுவனம் ஒப்பந்தம் செய்து கொண்டுள்ளது.

இதன் மூலம் மெடிக்கல் டிரான்ஸ்கிரிப்ஷனில் 5000பேருக்கு வேலை வாய்ப்புஏற்பட்டுள்ளது.

கோவையில் கே.ஜி. இன்பர்மேஷன் சிஸ்டம் நிறுவனம் செயல்பட்டு வருகிறது. இதில்தற்போது 2 ஆயிரம் பேர் பணியாற்றி வருகின்றனர். இந்த நிறுவனம் அமெரிக்காவில்உள்ள ஹார்ட்லேன்ட் இன்பர்மேஷன் சிஸ்டம் நிறுவனத்துடன் இணைந்துசெயலாற்றவுள்ளது.

இது குறித்து கே.ஜி. இன்பர்மேஷன் சிஸ்டம்ஸ் லிமிடெட்டின் நிர்வாக இயக்குநர்அசோக் பக்தவத்சலம் மற்றும் மூத்த அதிகாரி ஜேக்கப் ஆர். வில்லியம் ஆகியோர்கூறியதாவது:

கே.ஜி. நிறுவனத்தின் முக்கியப் பணி மெடிக்கல் டிரான்ஸ்கிரிப்ஷன். அமெரிக்காவில்உள்ள மருத்துவமனைகளுக்கு எங்களது பணி மிகவும் பயனுள்ளதாக இருக்கிறது.

இதையடுத்து அமெரிக்காவில் மெடிக்கல் டிரான்ஸ்கிரிப்ஷனில் ஈடுபட்டுள்ளஹார்ட்லேன்ட் நிறுவனம், கே.ஜி. நிறுவனத்துடன் இணைந்து செயலாற்ற ஒப்புக்கொண்டுள்ளது.

இந்நிறுவனம் 4 மில்லியன் டாலர் சொத்துக்களை அமெரிக்காவில் கொண்டுள்ளது.அமெரிக்காவில் ஒகியோ போன்ற இடங்களில் உள்ள மருத்துவமனைகளுக்குஇந்நிறுவனம், மெடிக்கல் டிரான்ஸ்கிரிப்ஷன் பணியை செய்து வருகிறது.

தற்போது உருவாகியுள்ள ஒப்பந்தப்படி, கே.ஜி. நிறுவனம் 51 சதவீதப் பங்கையும்,ஹார்ட்லேன்ட் 49 சதவீதப் பங்கையும் கொண்டிருக்கும். அடுத்த ஓராண்டிற்குள் இந்தஒப்பந்தம் அமலுக்கு வரும். இதன் மூலம் கோவையைச் சேர்ந்த 5000பேருக்குமெடிக்கல் டிரான்ஸ்கிரிப்ஷனில் வேலை வாய்ப்பு கிடைக்கும்.

200 மில்லியன் மெடிக்கல் டிரான்ஸ்கிரிப்ஷன் பணிகள் இந்த நிறுவனத்திற்குக்கிடைக்கவுள்ளன. இந்தப் பணி ஆண்டுக்கு 15 சதவீத அளவில் வளர்ச்சி பெறும்.

ஹார்ட்லேன்ட் நிறுவனம் ஏற்கனவே சண்டிகர், புதுடில்லி போன்ற இடங்களில் உள்ளநிறுவனங்களுடன் ஒப்பந்தத்தை ஏற்படுத்தி தோல்வியடைந்தது. இதையடுத்துதற்போது கோவையில் உள்ள எங்களது நிறுவனத்துடன் ஒப்பந்தம்மேற்கொண்டுள்ளது. இது வெற்றிகரமாக அமையும் என எதிர்பார்க்கிறோம்.

நிறுவனத்தின் அடிப்படை வசதிகளைப் பெருக்க 22 மில்லியன் டாலர்கள்செலவிடப்பட்டுள்ளது. இது அடுத்த ஆண்டு இறுதிக்குள் 30 மில்லியன் டாலராகஉயரும்.

இதேபோல, அமெரிக்கன் மெடிக்கல் டிரான்ஸ்கிரிப்ஷன் சங்கத்துடனும் (ஏ.ஏ.எம்.டி)கே.ஜி. நிறுவனம் உடன்பாடு செய்து கொண்டுள்ளது. இதன் மூலம் சிறப்பானடிரான்ஸ்கிரிப்ஷன் வல்லுநர்களை உருவாக்க முடியும்.

டிரான்ஸ்கிரிப்ஷன் பயிற்சியில் சிறந்து விளங்குவோருக்கு சான்றிதழ் வழங்கப்படும்.இத்தகைய சான்றிதழுக்கு இந்த நிறுவனத்திலிருந்து 26 மாணவர்கள் தேர்வுசெய்யப்பட்டுள்ளனர்.

மேலும், 13 மில்லியன் அமெரிக்க டாலர் நிதியுதவியுடன் சாப்ட்வேர் நிறுவனம்ஒன்றையும் கே.ஜி. நிறுவனம் ஏற்படுத்தவுள்ளது.

அமெரிக்காவில் சான்ஜோஸ் மற்றும் டெட்ராய்ட் ஆகிய இடங்களில் உள்ள நிறுவனக்கிளைகள் விரிவுபடுத்தப்படும். ஐரோப்பா மற்றும் ஆஸ்திரேலியா ஆகிய நாடுகளிலும்கிளைகளை ஏற்படுத்த திட்டம் உள்ளது என்றனர்.