அமெரிக்காவில் குறைந்து வருகிறது குற்றங்களின் எண்ணிக்கை

வாஷிங்டன்:

அமெரிக்காவில் தொடர்ந்து 8-வது ஆண்டாக பெரிய குற்றங்களின் எண்ணிக்கைகுறைந்துள்ளது.

அமெரிக்க அரசின் புலனாய்வுப் பிரிவு நடத்திய ஆய்வில் இது தெரியவந்துள்ளது.ஞாயிற்றுக்கிழமை வெளியிடப்பட்ட புள்ளிவிவரப் பட்டியலில் 1999-ம் ஆண்டில்அமெரிக்காவில் நடந்த கொலைகளில் எண்ணிக்கை 15,533 எனகுறிப்பிடப்பட்டுள்ள;.

1966-ம் ஆண்டுக்குப் பிறகு இதுதான் மிகக் குறைந்த கொலைகள் எண்ணிக்கைஎன்பது குறிப்பிடத்தக்கது. அதேபோல் பிற பெரிய குற்றங்களான கற்பழிப்பு,வழிப்பறி, கொள்ளை போன்றவற்றின் எண்ணிக்கையும் குறைந்துள்ளது.

தொடர்ந்து 8-வது ஆண்டாக இத்தகைய பெரிய குற்றங்களின் எண்ணிக்கை குறைவாகஉள்ளது குறிப்பிடத்தக்கது.

புள்ளிவிவரக் கணக்குப்படி ஒவ்வொரு 34 நிமிடத்துக்கு ஒருவர் கொலைசெய்யப்படுகிறார். அதேபோல் 6 நிமிடத்துக்கு ஒரு கற்பழிப்பு, ஒவ்வொருநிமிடத்துக்கும் ஒரு வழிப்பறி, 15 விநாடிகளுக்கு ஒரு கொள்ளை நடக்கிறது.

1980-களில் அமெரிக்காவில் குற்றங்களின் எண்ணிக்கை மிகவும் அதிகமாக இருந்தது.அதன்பிறகு அமெரிக்க அரசு மேற்கொண்ட நடவடிக்கைகளால் குற்றங்களின்எண்ணிக்கை படிப்படியாக குறைந்து வருகிறது.

கடந்த ஆண்டு குற்றங்களின் எண்ணிக்கை குறைந்துள்ளதற்கு அமெரிக்க அதிபர் பில்கிளின்டன் மகிழ்ச்சியும், பாராட்டும் தெரிவித்துள்ளார்.

கொலை உள்ளிட்ட பெரிய குற்றங்களின் எண்ணிக்கை குறைந்துள்ள அதே நிலையில்,ஒட்டுமொத்த குற்றங்களின் எண்ணிக்கையும் குறைந்துள்ளது. கடந்த ஆண்டு பதிவானகுற்றங்களின் எண்ணிக்கை, கடந்த 26 ஆண்டுகளிலேயே மிகவும் குறைவானதுஎன்பது குறிப்பிடத்தக்கது.