மே.இ. தீவுகள் அணிக்கு மீண்டும் வருகிறார் ஹூப்பர்!
செயின்ட் ஜான்ஸ் (ஆன்டிகுவா):
மேற்கிந்தியத் தீவுகள் அணியில் மீண்டும் விளையாட கார்ல் ஹூப்பர் விருப்பம்தெரிவித்துள்ளார்.
சிறந்த ஆல்-ரவுண்டராகக் கருதப்பட்ட கார்ல் ஹூப்பர், மேற்கிந்தியத் தீவுகள்அணிக்காக பல டெஸ்ட் மற்றும் ஒரு நாள் போட்டிகளில் விளையாடியுள்ளார். வலதுகையால் பேட்டிங் செய்து இடது கையால் சுழற்பந்து வீசும் ஹூப்பர் 1999-ம் ஆண்டுசர்வதேச கிரிக்கெட்டிலிருந்து ஓய்வு பெற்றார்.
34 வயதான அவர் மீண்டும் மேற்கிந்தியத் தீவுகள் அணிக்காக விளையாட விருப்பம்தெரிவித்துள்ளார். மேற்கிந்தியத் தீவுகள் அணியின் பயிற்சியாளர் விவியன்ரிச்சட்ஸும், ஹூப்பர் மீண்டும் சர்வதேச கிரிக்கெட்டுக்குத் திரும்பவேண்டும் என்றுஅழைப்பு விடுத்தார்.
இதையடுத்து தனது ராஜிநாமா முடிவை வாபஸ் பெற்றுக் கொண்டு மீண்டும்மேற்கிந்தியத் தீவுகளுக்காக விளையாட அவர் முடிவு செய்துள்ளார்.
என்னால் மீண்டும் நன்றாக விளையாட முடியும் என்று கருதுகிறேன். ஓய்வுபெற்றதால்எனது திறமை குறைந்துவிடவில்லை. மேற்கிந்தியத் தீவுகள் அணிக்காக நான்விளையாடவேண்டும் என்று தேர்வாளர்கள் விரும்பி என்னைத் தேர்வு செய்தால் நான்நிச்சயம் விளையாடுவேன்.
மேற்கிந்தியத் தீவுகள் அணியில் நான் விளையாடுவது என்பது தேர்வாளர்களின்கையில்தான் உள்ளது என்று ஹூப்பர் தெரிவித்துள்ளார்.
சர்வதேச கிரிக்கெட் போட்டிகளில் விளையாடுவதிலிருந்து ஹூப்பர்ஓய்வுபெற்றாலும், ஆஸ்திரேலியாவில் முதல் தர கிரிக்கெட் போட்டிகளில் அவர்விளையாடி வருகிறார். அது தவிர கயானா அணிக்காகவும் அவர் விளையாடிவருகிறார்.
அடுத்த மாதம் ஆஸ்திரேலியாவுக்கு மேற்கிந்தியத் தீவுகள் அணி பயணம்மேற்கொள்கிறது. சமீபத்தில் இங்கிலாந்தில் நடந்த டெஸ்ட் போட்டித் தொடரில் 3-1என்ற கணக்கில் மேற்கிந்தியத் தீவுகள் அணி தோல்வியடைந்தது.
இதையடுத்து ஹூப்பர் தேர்வு செய்யப்பட்டால் ஓரளவு திறமையான அணியாகமேற்கிந்தியத் தீவுகள் அணி ஆஸ்திரேலியா செல்லும் என்று கிரிக்கெட் உலக ரசிகர்கள்கருதுகின்றனர். ஒரு சிலர் அவருக்கு கேப்டன் பதவி கொடுக்கவேண்டும் என்றும்கூறுகின்றனர்.