ஆவின் ஊழியர்களுக்கு 20 சதவீத போனஸ்

சென்னை:

ஆவின் ஊழியர்களுக்கு 20 சதவீத போனஸ் வழங்கப்படும் என்று தமிழக பால்வளத்துறை அமைச்சர் சுந்தரம் அறிவித்துள்ளார்.

இதுகுறித்து அவர் வியாழக் கிழமை வெளியிட்ட அறிவிப்பு:

தமிழ்நாட்டில் உள்ள பால் உற்பத்தியாளர்கள் கூட்டுறவு இணையம் மற்றும் 17மாவட்ட ஒன்றியங்களில் பணிபுரியும் போனஸ் பெற தகுதியுடைய அனைத்துபணியாளர்களுக்கும் 1999-2000ம் ஆண்டுக்கான போனஸ் மற்றும் கருணைத்தொகை 20 சதவீதமாக வழங்கப்பட உள்ளது.

இதில் போனஸ் 8.33 சதவீதம் மற்றும் கருணைத் தொகை 11.67 சதவீதம் ஆகும்.உயர்ந்தபட்சமாக ரூ.6 ஆயிரம் வழங்கப்படும்.

இந்த அறிவிப்பின் மூலம் 8700 ஆவின் தொழிலாளர்கள் பயன் பெறுவர். இதனால்இணையம் மற்றும் ஒன்றியங்களுக்கு ஏற்படும் செலவினம் ரூ.4.68 கோடி ரூபாய். இதுகடந்த ஆண்டை விட 41 லட்சம் கூடுதலாகும்.

போனஸ் வரம்புக்குட்படாத அலுவலர்களுக்கு கருணைத் தொகையாக ரூ.925வழங்கப்படும். போனஸ் மற்றும் கருணைத் தொகை 23.10.2000-க்குள்வழங்கப்படும் என்று அவர் கூறியுள்ளார்.