• search
For Quick Alerts
ALLOW NOTIFICATIONS  
For Daily Alerts

    எறும்பு திண்ணியை காப்பாற்றிய ம.தி.மு.க.

    By Staff
    |

    கரூர்:

    கரூர் அருகே பிடிபட்ட எறும்பு திண்ணி, அதிகாரிகளின் அலட்சியத்தால்படாத பாடு பட்டது. இறுதியில் ம.தி.மு.க. அலுவலகம் எறும்பு திண்ணிக்குஅடைக்கலம் கொடுத்தது.

    கரூர் அருகே உள்ள திருமணியலூர் என்ற இடத்தில் அமராவதிஆற்றங்கரை உள்ளது. இங்குள்ள ஒரு சாயப்பட்டறைக்குள் தற்செயலாகஒரு எறும்பு திண்ணி நுழைந்தது. சுமார் 2.5 அடி நீளமுள்ள இந்த எறும்புதிண்ணியைக் கண்ட தொழிலாளர்கள் செய்வதறியாது திகைத்தனர்.

    சிறிது நேரத்திற்கு பின்னர், வனத்துறையினரிடம் ஒப்படைக்கலாம் எனஎண்ணி வனத்துறையினருக்குத் தகவல் கொடுத்தனர். ஆனால், நீண்டநேரமாகியும் வனத்துறையினர் வரவில்லை.

    இதையடுத்து பொறுமை இழந்த தொழிலாளர்கள் பொதுமக்களிடம்ஒப்படைத்தனர். பொதுமக்களுக்கு வேடிக்கைப் பொருளானது. கூட்டம்கூடி எறும்பு திண்ணியைக் கண்டு ரசித்தனர். பின்னர் சிறிது நேரத்திற்குபிறகு எறும்பு திண்ணி பிடிபட்ட விஷயத்தை போலீசில் தெரிவித்தனர்.

    இதனைக் கேட்ட கரூர் டவுன் போலீசார், இது எங்கள் எல்லை இல்லை,நீங்கள் பசுபதிபாளையம் போலீசுக்குத் தகவல் கொடுங்கள் எனக் கூறிவிட்டனர். இன்னும் சிறிது நேரம் சென்றது.

    இறுதியாக தீயணைப்பு படையினருக்குத் தகவல் பறந்தது. அவர்களிடம்சரியான பதில் இல்லை. இந்த சமயத்தில் பக்கத்துக் கிராமத்திற்கும் தகவல்பரவியது.

    வெள்ளியணை என்ற கிராமத்தைச் சேர்ந்த வைத்தியர் ஒருவர் இதனைக்கேள்விப்பட்டதும், திருமணியலூருக்குச் சென்று எறும்பு திண்ணியைப்பார்த்தார். அதனுடைய செதில்கள் மருத்துவக் குணம் உடையது. எனவேஇந்த எறும்பு திண்ணி நமக்குப் பயன்படும் என கருதி, எறும்புதிண்ணியைப் பிடித்துச் செல்ல அனுமதி கேட்டார். அவருக்குபொதுமக்களிடமிருந்து அனுமதி கிடைத்தது. உடனே எறும்பு திண்ணியைஒரே அமூக்காக அமுக்கி, ஒரு சாக்குப் பைக்குள் திணித்துக் கொண்டுநடையைக் கட்டினார்.

    இந்த சம்பவத்தைக் கேள்விப்பட்ட ம.தி.மு.க. வார்டு செயலர்சுரேஷ்குமார், எறும்பு திண்ணிக்கு நேர்ந்த ஆபத்தை அறிந்தார். இதனைக்காப்பாற்ற வேண்டும் என எண்ணி, வெள்ளியணைக்கு எறும்புதிண்ணியுடன் சென்று கொண்டிருந்த வைத்தியரை விரட்டிப் பிடித்தார்.

    அவரிடமிருந்து அந்த எறும்பு திண்ணியை மீட்டு, கரூர் எடுத்துச் சென்றார்.அங்கு ம.தி.மு.க.,அலுவலகத்தில் அதனை ஒப்படைத்தார். பின்னர்மாவட்ட கலெக்டருக்குத் தகவல் தெரிவிக்கப்பட்டது. அதிகாரிகள்உடனடியாக செயல்பட்டு எறும்பு திண்ணியை பாதுகாப்பாக பெற்றுக்கொண்டனர்.

    பொருத்தமான வரன் தேடுகிறீர்களா? தமிழ்மேட்ரிமோனியில் பதிவு இலவசம்!

     
     
     

    நாள் முழுவதும் oneindia
    செய்திகளை உடனுக்குடன் பெற

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more