வாஜ்பாய் இன்று டிஸ்சார்ஜ்: இன்றே டெல்லி திரும்புகிறார்

மும்பை:

பிரதமர் வாஜ்பாய் உடல் நிலையில் நல்ல முன்னேற்றம் தெரிகிறது. நல்லஆரோக்கியத்துடன் இருக்கிறார்.இதைத் தொடர்ந்து அவர் சனிக்கிழமைமருத்துவமனையிலிருந்து,டிஸ்சார்ஜ் செய்யப்படுகிறார். உடனடியாக டெல்லிக்குச்செல்கிறார்.

முன்னதாக சில நாட்கள் அவர் மும்பை ராஜ்பவனில் தங்கி இருப்பார் எனக்கூற்பபட்டது. ஆனால், அவர் மும்பையில் தங்கவில்லை.

பிரதமர் வாஜ்பாய்க்கு மூட்டு வலி காரணமாக மூட்டு மாற்று அறுவை சிகிச்சை கடந்த10-ம் தேதி அமெரிக்க மருத்துவர் சித்தரஞ்சன் ரணவத்தால் செய்யப்பட்டது.

தற்போது தினமும் வாஜ்பாய் காலை, மாலை இரு முறை நடக்கிறார். தினமும் 15 முதல்20 நிமிடம் நடக்கிறார். மருத்துவமனையில் இருந்தபடியே அலுவலக பணிகளைசெய்கிறார்.

அவரது உடல்நிலையில் முன்னேற்றம் தெரிகிறது அவர் இன்று டிஸ்சார்ஜ்செய்யப்படுகிறார். அவர் விமானப்படை விமானம் மூலம் டெல்லி புறப்படுவார்.