கருணாநிதி ராஜினாமா செய்ய வேண்டும் என்கிறார் புதுவை எம்எல்ஏ

பாண்டிச்சேரி:

கன்னட நடிகர் ராஜ்குமாரை மீட்க முடியாததற்கு தார்மீகப் பொறுப்பேற்று, தமிழக முதல்வர் ராஜினாமா செய்ய வேண்டும் என்று பாண்டிச்சேரிசட்டப்பேரவை அதிமுக எம்.எல்.ஏ. கே.நடராஜன் புதன்கிழமை கூறினார்.

அவர் இதுகுறித்து நிருபர்களிடம் கூறியதாவது:

வீரப்பன் மற்றும் அவரது கூட்டாளிகள் கடந்த ஜூலை 30 ம் தேதி, கன்னட நடிகர் ராஜ்குமாரைக் கடத்தினர் .

வீரப்பன் பிடியிலிருந்து, ராஜ்குமாரை மீட்கத் தமிழக, கர்நாடக அரசுகள் எடுத்து வரும் முயற்சிகள் அனைத்தும் தோல்வியையே தழுவியுள்ளன.

வீரப்பனை பாதுகாக்கும் வகையில் போலீஸாரின் கைகளைக் கட்டிப் போட்டுள்ளார் கருணாநிதி. ராஜ்குமாரை மீட்பதற்கு அவர் நடவடிக்கை எடுத்தால்அவரைப் பாராட்டலாம்.

ராஜ்குமார் கடத்தல் விவகாரத்திற்கு முழுப் பொறுப்பேற்று தமிழக முதல்வர் கருணாநிதி ராஜினாமா செய்ய வேண்டும் என்றார் கே.நடராஜன்.

யு.என்.ஐ.