அரசு பஸ்-லாரி மோதலில் 7 பேர் பலி

கிருஷ்ணகிரி:

ஓசூரில் இருந்து சென்ற அரசு பஸ்சும், லாரியும் நேருக்குநேர் மோதிக் கொண்டதில் 7 பேர் இறந்தனர்.

கிருஷ்ணகிரி அருகே குந்தாரப்பள்ளி கூட்டுரோடு அருகே அரசு பஸ்சும், லாரியும் மோதிக்கொண்டன. இந்த விபத்து வியாழக்கிழமை பிற்பகல் 2மணிக்கு நடந்தது.

இந்த விபத்தில் பஸ்சில் இருந்த 6 பேர் சம்பவ இடத்திலேயே இறந்தனர். ஒரு பெண் குழந்தை மருத்துவமனைக்குக் கொண்டு செல்லும் வகையில் இறந்தது.

பலியானவர்களில் பெண்கள் 3 பேர். 2 பேர் குழந்தைகள். இவ்விபத்தில் மேலும் 23 பேர் காயம் அடைந்தனர்.

இறந்தவர்கள் யார்? எந்த ஊரைச் சேர்ந்தவர்கள் என்ற விவரங்கள் எதுவும் தெரியவில்லை. விபத்தில் காயமடைந்த அனைவரும் மருத்துவமனையில்சேர்க்கப்பட்டுள்ளனர். அவர்களுக்கு அங்கு தீவிர சிகிச்சை அளிக்கப்பட்டு வருகிறது.