வைகோ மகள் திருமணம் .. கருணாநிதி நடத்துகிறார்
சென்னை:
சென்னையில் புதன்கிழமை நடக்கவுள்ள, மதிமுக பொதுச் செயலாளர் வைகோ வின் மகள் திருமணத்தை முதல் அமைச்சர் கருணாநிதி நடத்தி வைக்கிறார்.
மதிமுக பொதுச் செயலாளர் வைகோவின் மகள் கண்ணகி. கண்ணகிக்கும், ஜான் புஷ்பராஜூக்கும் புதன்கிழமை காலை 9 மணிக்கு சென்னை வடபழனி விஜயமஹாலில் திருமணம் நடக்கிறது.
திருமணத்திற்கு நீதிபதி எஸ். ரத்தினவேல் பாண்டியன் தலைமை தாங்குகிறார். மதிமுக அவைத்தலைவர் எல்.கணேசன், பொருளாளர் மு.கண்ணப்பன், துணைப் பொதுச்செயலாளர் செஞ்சி ராமச்சந்திரன், கவிஞர் குடியரசு ஆகியோர் முன்னிலை வகிக்கிறார்கள்.
திருமணத்தை முதல்வர் கருணாநிதி நடத்தி வைக்கிறார். அனைவரையும் மதிமுக கலைத்துறை செயலாளர் எஸ்.தாணு வரவேற்றுப் பேசுகிறார். செய்தித்தொடர்பாளர் கே.எஸ்.ராதா கிருஷ்ணன் நன்றி கூறுகிறார்.
திருமண வரவேற்பு புதன்கிழமை மாலை 6.30 மணி முதல் இரவு 9 மணி வரை நடக்கிறது. திரு மணத்திற்கான ஏற்பாடுகளை வைகோ செய்து வருகிறார்.