கர்நாடகத்தில் தமிழ்ப் படங்களுக்கு வரிச்சலுகை

பெங்களூர்:

கர்நாடகத்தில் தமிழ் மற்றும் பிற கன்னட மொழி அல்லாத படங்களுக்கு வரிச்சலுகை அளிக்கும் சட்ட திருத்த மசோதா, கர்நாடக சட்டசபையில்செவ்வாய்க்கிழமை நிறைவேறியது.

கர்நாடகத்தில் கன்னடம் தவிர பிற மொழிப் படங்களுக்கு 100 சதவீத கேளிக்கை வரி அமலில் உள்ளது. இதைக் குறைக்க வேண்டும் என்று கர்நாடகதிரைப்பட விநியோகஸ்தர்கள் சங்கம் மற்றும் தியேட்டர் உரிமையாளர்கள் சங்கம் கோரிக்கை விடுத்திருந்தது.

இந்த நிலையில், தமிழ், தெலுங்கு உள்பட பிறமொழிப் படங்களுக்கான கேளிக்கை வரியை 100 சதவீதத்திலிருந்து 80 சதவீதமாகக் குறைக்க வகை செய்யும்சட்ட திருத்த மசோதா, கர்நாடக சட்டசபையில் செவ்வாய்க்கிழமை தாக்கல் செய்யப்பட்டது. நிதியமைச்சர் சிவண்ணா மசோதாவைத் தாக்கல் செய்தார்.

இந்த மசோதாவுக்கு எதிர்க்கட்சிகள் கடும் எதிர்ப்பு தெரிவித்தன. எதிர்க் கட்சியினர் மசோதா குறித்துக் கூறுகையில், கன்னட நடிகர் ராஜ்குமார்படங்கள் வெற்றிகரமாக ஓடும். ஆனால் அவரும் இப்போது காட்டில் இருக்கிறார். இந்த நிலையில் பிற மொழி படங்களுக்கு வரி குறைப்பது தவறு.

தமிழ் உள்பட பிறமொழிப் படங்களுக்கு 100 சதவீத வரியை 80 சதவீதமாகக் குறைப்பதால் அரசுக்கு வருவாய் இழப்பு ஏற்படும். இன்னும் 3மாதங்களில் புதிய பட்ஜெட் வரவுள்ளது. எனவே சட்டதிருத்த மசோதாவை உடனடியாக வாபஸ் பெற வேண்டும் என்று எதிர்க்கட்சிகள் கூறின.

இருப்பினும், அதைப் பொருட்படுத்தாது துணை சபாநாயகர் மனோகர் தாசில்தார் பிற மொழி படங்களுக்கு வரி குறைப்பு மசோதாவுக்கு அனுமதிகோரினார். இதையடுத்து எதிர்க்கட்சி உறுப்பினர்கள் வெளிநடப்புச் செய்தனர்.

பின்னர், ஆளும் காங்கிரஸ் கட்சி எம்.எல்.ஏ.க்கள் ஆதரவுடன் மசோதா நிறைவேற்றப்பட்டது.