• search
For Quick Alerts
ALLOW NOTIFICATIONS  
For Daily Alerts

மாடிஸ் விலையைக் குறைக்கிறது தேவூ

By Staff
|
கேள்வி - பதில்

கே: சிறந்த தேச பக்தரான சோ. பாலகிருஷ்ணனை, வீரப்பனிடமிருந்து ராஜ்குமாரை மீட்டு வர அனுப்பவேண்டுகிறேன் என்று பழ. நெடுமாறன் கூறுகிறாரே?

ப: நல்லவேளை. கைதிகளை விடுவிக்க மறுத்த சுப்ரீம் கோர்ட் நீதிபதிகளை, காட்டுக்குப் போய் ராஜ்குமாரை மீட்டு வரட்டும் என்று சொல்லாமல்விட்டாரே! அதுவரை சந்தோஷம்.

கே: வீரப்பனை மீட்டு வர தூதுவராக இனி நான் காட்டுக்குப் போகப் போவதில்லை என்று நெடுமாறன் அறிவித்த பிறகு, அவர் காட்டுக்குச் செல்லவேண்டும் என்ற ஆதரவு அதிகரித்து வருகிறதே?

ப: அவர் போக மாட்டேன் என்று கூறுவதே. இதற்காகத் தானே!

கே: வீரப்பன் படலம் எப்போது முடியும்?

ப: அவன் தப்பிச் செல்ல நேரம், காலம், இடம், அதற்கான பொருள், ஆயுத சப்ளை - போன்றவை தீர்மானிக்கப்பட்ட பிறகு - இந்த விவகாரம்முடியும் என்பது என் கருத்து.

கே: ராமன் ஆண்டால் என்ன, ராவணன் ஆண்டால் என்ன - என நினைக்கும் சிலரைப் பற்றி ...?

ப: ராமன் இல்லாதததால் அப்படி நினைப்பவர்களும் இப்போது இல்லை. ராவணன் ஆண்டால் என்ன, கம்ஸன் ஆண்டால் என்ன என்று நினைப்பவர்கள்தான் இருக்கிறார்கள். அந்தமாதிரி ஒரு விரக்தி பலருக்கு ஏற்படுவது புரிந்து கொள்ளக் கூடியதே?

கே: புலிகள் விஷயத்தில் வைகோ இரட்டை வேடம் போடுவதாக, வாழப்பாடி கூறுகிறாரே?

ப: நான் ஒப்புக் கொள்ளவில்லை. மத்திய அரசுக்கு ஒரு வேடம்; புலிகளுக்கு ஒருவேடம் ; தமிழக மக்களுக்கு ஒரு வேடம் ; கட்சியினருக்கு ஒரு வேடம்.மொத்தம் நான்கு வேடங்கள் ஆகின்றன. இதை, இரட்டை வேடம் என்று சொல்வது - வேண்டுமென்றே வைகோவின் சாதனையை குறைத்துமதிப்பிடுவதாகும்.

கே: வரும் தேர்தலில் பா.ம.க. இரண்டாவது இடத்தைப் பெறும்என்று டாக்டர் ராமதாஸ் தொடர்ந்து கூறி வருகிறாரே?

ப: அதைப்பற்றி உமக்கென்ன? அந்த அளவுக்கு சீட் கேட்பேன் என்று அவர் சொல்லி வருகிறார். கவலைப்பட வேண்டியவர்கள் கருணாநிதியும்,ஜெயலலிதாவும். உங்களுக்கு சம்பந்தமில்லாத விஷயம்.

கே: உமாபாரதி திரும்பவும் அமைச்சராக்கப்பட்டது பற்றி ...?

ப: மரியாதை போயிற்று ; மந்திரி பதவி கிடைத்தது.

கே: வாக்காளர் அடையாள அட்டையை கட்டாயப்படுத்துவதன் மூலம், கள்ள ஓட்டு போடப்படுவதைத் தடுக்க முடியுமா?

ப: முடியும். ஆனால் கள்ள அட்டை வினியோகம் ஒழுங்காக நடந்தால் முடியாது.

கே: ஜெயலலிதா பற்றி தங்களுக்கு புரிந்தது எது? புரியாதது எது?

ப: ஓரளவு புரிந்தது ஜெயலலிதா, சுத்தமாகப் புரியாதது அவருடைய அரசியல்.

கே: கறுப்பு, சிவப்பு கலர் பெரியாரும், அண்ணாவும் கொடுத்ததுதான்; ஆனால் இப்போது அது காவியோடு கலந்து மஞ்சளாகி விட்டது என்று கி.வீரமணிகூறியிருப்பது பற்றி ...?

ப: அதனால் என்ன? காவி, பின்னர் ஒரு சமயத்தில் கறுப்போடு சேர்ந்தால், மீண்டும் கறுப்பு, சிவப்பு ஆகி விடாதா? இப்போது அ.இ.அ.தி.மு,க, கறுப்பு -சிவப் பாக இருந்து, காவியோடு கலந்து மஞ்சளாகி மீண்டும் கறுப்பு - .சிவப்பு ஆகி விடவில்லையா?

கே: இலங்கை அரசுடன் நேரடியாகப் பேச்சு நடத்த பிரபாகரன் விரும்புவதாக, வெளி வந்திருக்கும் செய்திகள் பற்றி உங்கள் கருத்து என்ன?

ப: ஆட்களை சேர்க்கவும், ஆயுதம் பெருக்கவும், அடுத்த தாக்குதலை திட்டமிடவும் அவகாசம் தேவை -என்று பொருள் காண்க.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

lok-sabha-home

 
 
 

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more