மிதுன் சக்கரவர்த்தி பங்களாவுக்கு அதிரடிப்படை பாதுகாப்பு

ஊட்டி:

ஊட்டியில் மசினக்குடி அருகே உள்ள நடிகர் மிதுன் சக்கரவர்த்தியின் பங்களாவிற்கு அதிரடிப் போலீசார் தீவிரப் பாதுகாப்பில்ஈடுபட்டுள்ளனர்.

மசினக் குடி அருகே உள்ள பொக்காபுரம் என்ற இடத்தில் நடிகர் மிதுன் சக்கரவர்த்தியின் பங்களா உள்ளது. இங்குள்ள கடந்த சிலநாட்களுக்கு முன்பு 5 மர்ம நபர்கள் வந்து உளவு பார்த்துச் சென்றுள்ளனர்.

உளவு பார்த்துச் சென்றவர்கள் வீரப்பனின் அடியாட்களாக இருக்கலாம் எனக் கருதப்பட்டது. எனவே, மிதுன் சக்கரவர்த்தியைக்கடத்த வீரப்பன் திட்டமிட்டிருக்கலாம் என்ற சந்தேகத்தின் அடிப்படையில் அதிரடிப்படையினர் இப்பகுதியில் கண்காணிப்பைதீவிரப்படுத்தியுள்ளனர்.

மிதுன் சக்கரவர்த்தியின் சொந்த மாநிலமான மேற்கு வங்க அரசும் அவருக்கு சிறப்பு பாதுகாப்பு அளிக்க முன் வந்துள்ளது.இந்நிலையில் அதிரடிப்படைக்குத் தலைமை ஏற்றுள்ள அதிகாரிகளையும் கடத்த வீரப்பன் திட்டமிட்டுள்ளதாக தெரியவந்துள்ளது.

மேலும் வீரப்பனின் தகவல் தொடர்பிற்கு செல்போன் கிடைத்திருப்பதாகவும், வீரப்பன் அதிரடிப்படையின் நடவடிக்கைகளைஉளவு மூலம் அறிந்து வருவதாகவும் க்யூ பிராஞ்ச் போலீசாருக்குத் தகவல் கிடைத்துள்ளது.