சேஷன் வீட்டருகே 5 மாடி கடை கட்ட நீதிமன்றம் அனுமதி

சென்னை:

தனது வீட்டருகே கட்டப்பட்டு வரும் 5 மாடிக் கட்டிட டத்தின் கட்டுமானப் பணியை உடனே நிறுத்த உத்தரவிட வேண்டும் எனக்கோரி டி.என்.சேஷன் தாக்கல் செய்த வழக்கை சென்னை உயர் நீதிமன்றம் தள்ளுபடி செய்துவிட்டது.

சென்னை செயின்ட் மேரீஸ் சாலையில் முன்னாள் தலைமை தேர்தல் ஆணையாளர் டி.என்.சேஷன் வீடு உள்ளது. இவரது வீட்டுக்குஅருகே 5 மாடி வணிக வளாகம் கட்டப்பட்டு வருகிறது.

குடியிருப்பு பகுதியை வணிகப் பகுதியாக மாற்றியது தவறு என்றும், 5 மாடி கட்டிடம் கட்ட தடை விதிக்க வேண்டும் என்றும்சென்னை உயர் நீதிமன்றத்தில் சேஷன் வழக்கு தொடர்ந்தார்.

வழக்கை விசாரித்த நீதிபதி கோவிந்தராஜன், அந்தப் பகுதியை வணிக பகுதியாக பெருநகர வளர்ச்சிக் குழுமம் முறையாகஅறிவித்துள்ளது. எனவே இந்த விஷயத்தில் நீதிமன்றம் தலையிட முடியாது என்று கூறி சேஷன் மனுவை தள்ளுபடி செய்தார்.