டெல்லி சென்றார் மூப்பனார்:

சென்னை:

தமிழ் மாநில காங்கிரஸ் கட்சித் தலைவர் மூப்பனார், காங்கிரஸ் தலைவர் சோனியா காந்தியை சந்தித்துப் பேசுவதற்காக திங்கள்கிழமை டெல்லி சென்றார்.

மூப்பனார், கடந்த சனிக்கிழமை திருச்சிக்குச் சென்று பல்வேறு நிகழ்ச்சிகளில் கலந்து கொண்டு திங்கள்கிழமை அதிகாலை சென்னை திரும்பினார்.

உடனடியாக, அவர் சென்னையில் இருந்து விமானம் மூலம் டெல்லிக்குப் புறப்பட்டுச் சென்றார்.

டெல்லியில் காங்கிரஸ் தலைவர் சோனியா காந்தி மற்றும் கம்யூனிஸ்ட் கட்சித் தலைவர்களை அவர் சந்தித்துப் பேசுவார் என்று தெரிகிறது.