திமுக-பாமக கூட்டணி தொடரும்

மேட்டூர்:

திமுக- பாமக கூட்டணி நீடிக்கும் என்று பாட்டாளி மக்கள் கட்சியின் மாநிலத் தலைவரும், எம்.எல்.ஏ.வுமான மணி கூறினார்.

மேட்டூர் அனல் மின் நிலைய ஆய்வு மாளிகையில் அவர் நிருபர்களுக்கு அளித்த பேட்டியில், தென் மாவட்டங்களில் பாமக மிக வேகமாக வளர்ந்து வருகிறது.

நெல்லையில் அதிக கிளைகள் கொண்ட கட்சி பாமக தான். கோவையில் பாமக வின் 200 வது தொகுதி மாநாடு நடந்தது. மாநாட்டிற்கு பொதுமக்களிடம்நல்ல வரவேற்பு இருந்தது.

திருச்சியில் பிப்ரவரி மாதம் கட்சியின் மாநில மாநாட்டை நடத்தத் திட்டமிட்டுள்ளோம்.

நடிகர் ராஜ்குமார் மீட்பு விஷயத்தில் தமிழக, கர்நாடக அரசுகள் சரியான அணுகு முறைகளைக் கையாண்டு, ராஜ்குமாரை பத்திரமாகவும், பாதுகாப்பாகவும்மீட்டு வந்தது மிகவும் பாராட்டுக்குரியது என்றார் மணி.