பாக். செல்லுமா இந்திய கிரிக்கெட் அணி?

இஸ்லமாபாத்:

இந்திய கிரிக்கெட் அணி பாகிஸ்தான் பயணம் மேற் கொள்ளும் என பாகிஸ்தானின் கிரிக்கெட் வாரியத் தலைவர்நம்பிக்கை தெரிவித்துள்ளார்.

அடுத்த மாதம் இந்தியா பாகிஸ்தான் சென்று கிரிக்கெட் போட்டிகளில் பங்கேற்கவிருந்தது. ஆனால் இருநாடுகளுக்கும் இடையே நிலவி வரும் பிரச்சனைகள் காரணமாக அந்த பயணத்தை இந்திய அரசு ரத்து செய்தது.

இந்நிலையில் இந்திய அணி பாகிஸ்தான் பயணத்தை மேற் கொள்ளும் என பாகிஸ்தான் கிரிக்கெட் வாரியத்தலைவர் தாகிர் ஜியா நம்பிக்கை தெரிவித்துள்ளார்.

இது குறித்து அவர் நிருபர்களிடம் கூறுகையில், இந்திய அரசுடன் பேச்சு வாரத்தை நடத் தி இந்திய அணியைபாகிஸ்தானுக்கு அனுப்பும் முயற்சியில் ஆசிய கிரிக்கெட் கவுன்சில் நியமித்துள்ள வங்கதேசம், மலேஷியா மற்றும்இலங்கை நாடுகளின் கிரிக்கெட் வாரியத் தலைவர்கள் விரைவில் இந்தியா செல்லவிருக்கிறார்கள்.

இவர்கள் இந்திய அரசுடன் பேச்சு வார்த்தை நடத்தி இந்திய கிரிக்கெட் அணியை பாகிஸ்தான் வர வைப்பார்கள்என்ற நம்பிக்கை இருக்கிறது .

இந்திய கிரிக்கெட் அணி பாகிஸ்தான் வர 70 சதவிகிதம் வாய்ப்பு உள்ளது. இந்திய கிரிக்கெட் அணி பாகிஸ்தான்வரவிட்டால் பாகிஸ்தான் கிரிக்கெட் வாரியத்திற்கு பெரும் இழப்பு ஏற்படும் என கூறினார் தாகிர்.