கால்பந்தாட்ட தகுதிச் சுற்றில் யு.ஏ.இ.யுடன் மோதுகிறது இந்தியா

டெல்லி:

உலகக் கோப்பை கால்பந்தாட்ட தகுதிச் சுற்றுத் தொடரில் ஐக்கிய அரபு எமிரேட் அணியுடன் இந்தியா மோதுகிறது.

வரும் 2002-ம் ஆண்டு உலக் கோப்பை கால்பந்தாட்டப் போட்டிக்கான தகுதிப் போட்டிகள் அடுத்த ஆண்டுதுவங்குகிறது. ஆசிய நாடுகளுக்கு இடையேயான தகுதிச் சுற்றுகள் அடுத்த ஆண்டு மார்ச் மாதம் 3-ம் தேதிதுவங்குகிறது.

முதல் போட்டியில் இந்தியா ஐக்கிய அரபு எமிரேட் அணியுடன் மோதுகிறது.10-ம் தேதி இரண்டாவது போட்டியில்ஏமன் அணியுடன் இந்தியா மோதுகிறது.

மார்ச் மாதம் 16-ம் தேதி மீண்டும் ஐக்கிய அரபு எமிரேட் அணியுடனும், 23-ம் தேதி ஏமன் அணியுடனும் இந்தியாமோதுகிறது. இரண்டாவது சுற்று போட்டிகள் அரபு எமிரேட்டிலும், ஏமனிலும் நடக்கவிருக்கிறது.

மார்ச் மாதம் 23-ம் தேதி மற்றும் ஏப்ரல் 7-ம் தேதி புரூனே நாட்டுடனும் இந்திய அணி மோதுகிறது.