டிச.27 ல் தமாகா தலைவர் தேர்தல்

சென்னை:

தமிழ் மாநில காங்கிரஸ் தலைவர் தேர்தல் டிசம்பர் மாதம் 27 ம் தேதி நடப்பதாக அக்கட்சியின் மாநில தேர்தல் அதிகாரி புதன்கிழமை தெரிவித்தார்.

இதுகுறித்து அவர் சென்னையில் நிருபர்களிடம் கூறியதாவது:

தமிழ் மாநில காங்கிரஸ் கட்சியின் அமைப்புத் தேர்தல்கள் இத்துடன் இணைக்கப்பட்டிருக்கும் அட்டவணைப்படி நடைபெறும்.

மாவட்ட தேர்தல் அதிகாரிகள் இந்தத் தேர்தலை நடத்தி வைப்பார்கள். மாவட்டப் பிரதிநிதிகள் தேர்தலும் மாவட்ட தமிழ் மாநில காங்கிரஸ்அலுவலகத்தில் நடைபெறும்.

தேர்தல் தொடர்பான புகார்கள் இருந்தால் மாநில தேர்தல் அதிகாரிகளிடம் தெரிவிக்கலாம். டிசம்பர் மாதம் 15 ம் தேதி மாலை 4 மணிக்குள்உறுப்பினர் சேர்க்கை முடிவுறும்.

வட்டாரத் தலைவர், நகரத் தலைவர், மாவட்ட பிரதிநிதிகள் தேர்தல் டிசம்பர் மாதம் 18 ம் தேதி நடக்கிறது. மாவட்டத் தலைவர் மாநில பிரதிநிதிகள்தேர்தல் டிசம்பர் 19 ம் தேதி நடக்கிறது. மாநிலத் தலைவர் தேர்தல் டிசம்பர் மாதம் 27 ம் தேதி நடக்கிறது என்றார் அவர்.