காதல் ஜோடியின் கம்ப்யூட்டர் கலாட்டா

கும்பகோணம்:

காதல் ஜோடி நடத்திய கம்யூட்டர் விளையாட்டால் வாக்காளர் அடையாள அட்டையில் முட்டாள் என்ற வார்த்தை இடம்பெற்றது.

இந்தச் சம்பவம் குறித்த விவரம் வருமாறு:

கும்பகோணத்தைச் சேர்ந்தவர் கவிதா (23). இவர் முதுகலை பட்டதாரி. இவர் வாக்காளர் அடையாள அட்டை வாங்கிய போது அதில் கவிதா ஒருமுட்டாள் என்று அச்சாகியிருந்தது.

இதைப் பார்த்ததும் அதிர்ச்சியடைந்த அவர் மாநில தேர்தல் அதிகாரியிடம் புகார் செய்தார். விசாரணையில் ஆந்திராவைச் சேர்ந்த காதல் ஜோடியின் கம்ப்யூட்டர்விளையாட்டுத்தான் என்று தெரிய வந்தது.

சென்னையைச் சேர்ந்த அடையாள அட்டை தயாரிக்கும் நிறுவனத்தில் ஜேம்ஸ் என்பவரும், கவிதா என்பவரும் வேலை செய்து வந்தனர்.

இவர்கள் இருவரும் ஆந்திராவைச் சேர்ந்தவர்கள். அப்போது அவர்களுக்குள் காதல் ஏற்பட்டு பாதியிலேயே முறிந்தது.

இதையடுத்து கவிதா மேல் ஜேம்சுக்குக் கோபம் ஏற்பட்டது. அவர் வாக்காளர் அடையாள அட்டையில் கவிதா பெயர் வரும்போதெல்லாம் அதில்கவிதா ஒரு முட்டாள் என்று அச்சடித்தார். கும்பகோணம் கவிதாவின் அடையாள அட்டையிலும் இதே போல் முட்டாள் என்ற வார்த்தைஅச்சடிக்கப்பட்டிருந்தது.

இந்த விஷயம் தெரிய வந்ததும் கவிதாவும், சளைக்காமல் அடையாள அட்டைகளில் ஜேம்ஸ் பெயர் வந்த போதெல்லாம் ஜேம்ஸ் ஒரு முட்டாள் என்றுஅச்சடித்தார்.

இருவரும் கங்கணம் கட்டிக்கொண்டு பழி வாங்கும் அத்தியாயத்தை நடத்தி முடித்து அப்பாவி பொதுமக்களுக்கு முட்டாள் பட்டம் கட்டி விட்டனர்.

ஆனால் இந்தக் குளறுபடி முன்கூட்டியே கண்டு பிடிக்கப்பட்டு அழிக்கப்பட்டு விட்டது. இருப்பினும் கும்பகோணம் கவிதாவின் அடையாள அட்டையில்மட்டும் கவிதா ஒரு முட்டாள் என்ற வார்த்தை அழிக்கப்படாமல் இருந்தது. தலைமறைவாகி விட்ட இருவரையும் போலீஸார் தேடி வருகிறார்கள்.