வாஜ்பாய்க்கு சரத் யாதவ் ஆதரவு

போபால்:

அயோத்திப் பிரச்சனையில் நீதிமன்றத் தீர்ப்பை தேசிய ஜனநாயக முன்னணி ஏற்றுக் கொள்ளும் என கூட்டணியில் இடம்பெற்றுள்ள ஐக்கிய ஜனதா தளத் தலைவரும் அமைச்சருமான சரத் யாதவ் கூறினார்.

பிரதமர் வாஜ்பாயின் பேச்சுக்கு அமைச்சராக இருக்கும் நான் கருத்துத் தெரிவிப்பது சரியல்ல. தேவைப்பட்டால் இது குறித்துதேசிய ஜனநாயக முன்னணியின் கமிட்டிக் கூட்டத்தில் கேட்பேன்.

அதே நேரத்தில் நீதிமன்றத்தின் தீர்ப்பை கூட்டணி ஏற்கும் என பிரதமர் மீண்டும் மீண்டும் தெரிவித்துள்ளார். இதனால், இதைபெரிய பிரச்சனை ஆக்க வேண்டியதேயில்லை. எதிர்க் கட்சிகள் இப்போது தான் தூக்கத்திலிருந்து எழுந்து இதை பெரிதாக்கிவருகின்றன என்றார்.