கலர் டிவி விற்பனையில் சாதனை படைக்கிறது பிபிஎல்

சென்னை:

நாட்டில் கலர் டிவி விற்பனை 10 சதவீதம் அதிகரிக்கும் என்று பிபிஎல் நிறுவன முதுநிலை துணைத்தலைவர் வி.சேகர் சனிக்கிழமை தெரிவித்தார்.

சென்னை அண்ணா சாலையில் உள்ள பிபிஎல் ஷோரூமை திறந்து வைத்து அவர் கூறியதாவது:

நிறுவனத்தின் கடந்த ஆண்டு கலர் டிவி விற்பனை மதிப்பு மட்டும் ரூ 1400 கோடி. நாட்டில் 100 வீடுகளில் 14.6 வீடுகளில் கலர்டிவி உள்ளது.கிராமப்புறங்களில் 5 சதவீத வீடுகளில் மட்டுமே கலர் டிவி உள்ளது.

வரும் காலத்தில் கலர் டிவி விற்பனை அதிகரிக்க நிறைய வாய்ப்புக்கள் உள்ளன.

குறைந்த விலையில் பிபிஎல்:

குறைந்த விலையில் கலர் டிவியை அறிமுகம் செய்தது பிபிஎல் நிறுவனமே. நாட்டில் 49 இடங்களில் ஷோரூம்கள் உள்ளன.

தமிழகத்தில் சென்னை, நெல்லை, மதுரை, திருச்சி உள்ளிட்ட 6 இடங்களில் ஷோரூம்கள் உள்ளன.

நவீன மாடல்:

கலர் டிவி விற்பனையில் 28 சதவீதம் இந் நிறுவனம் தயாரிப்பு இடம் பெற்றுள்ளன. நவீன புதிய மாடல்களில் பிளாட் டிவி விற்பனையில் தற்போதுமுக்கியத்துவம் தந்து வருகிறோம்.

கலர் டிவிகளை வெளிநாடுகளுக்கும் ஏற்றுமதி செய்து வருகிறோம். வாஷிங்மெஷின், பிரிட்ஜ், ரேடியோ, டேப்ரிக்கார்டர், சிடி, தொலைபேசி கருவிகளையும்பிபில் நிறுவனம் தயாரித்து வருகிறது என்றார்.