இந்திய சாப்ட்வேர் நிபுணர்களுக்கு ஆஸ்திரேலியாவும் வலைவீச்சு

டெல்லி:

அமெரிக்கா, பிரிட்டன், ஜெர்மனி, ஜப்பானுக்கு அடுத்து இப்போது இந்திய சாப்ட்வேர் நிபுணர்களுக்கு ஆஸ்திரேலியா வலைவிரிக்கிறது.

ஆஸ்திரேலியாவுக்கு சுமார் 30,000 முதல் 35,000 சாப்ட்வேர் நிபுணர்கள் உடனடியாகத் தேவை. இனி ஆண்டுதோறும் இந்தத்தேவை இரட்டிப்பாகும் எனவும் எதிர்பார்க்கப்படுகிறது.

இப்போது பல ஆஸ்திரேலிய நிறுவனங்கள் பாடி ஷாப்பிங்கில் தான் ஈடுபட்டுள்ளன.

இந்தியர்களை ஈர்க்க பல நடவடிக்கைகளையும் ஆஸ்திரேலியா எடுத்து வருகிறது. குடியேற்ற விதிகள் தளர்த்தப்பட்டுள்ளன.மேலும் தளர்த்த தயாராக இருப்பதாக அந் நாடு அறிவித்துள்ளது.

இப்போது இன்போசிஸ், என்.ஐ.ஐ.டி., டி.சி.எஸ்., சத்யம் கம்யூட்டர்ஸ், பென்டாசாப்ட், ஆப்டெக், போலாரிஸ் ஆகியவைஆஸ்திரேலியாவில் கிளைகளைக் கொண்டுள்ளன.

கடந்த ஆண்டு இந்தியாவிலிருந்து ஆஸ்திரேலியாவுக்கு சுமார் 68 மில்லியன் டாலர் மதிப்புள்ள சாப்ட்வேர் ஏற்றுமதிசெய்யப்பட்டது. 2000-2001ம் ஆண்டில் இது 110 மில்லியன் டாலராக அதிகரிக்கும் என எதிர்பார்க்கப்படுகிறது.