அமெரிக்காவில் படிக்க சென்னையில் ஆலோசனை முகாம்
சென்னை:
அமெரிக்காவில் சென்று படிக்க விரும்புபவர்களுக்கு விசா பெறும் முறை குறித்தான ஆலோசனை முகாம் சென்னையில் புதன்கிழமை நடக்கிறது.
அமெரிக்காவில், பட்டப்படிப்பு, பட்ட மேற்படிப்பு, ஆய்வுப்படிப்பு போன்றவை குறித்து படிக்க விரும்புபவர்களுக்கு விசா பெறும் முறைகள் குறித்து இந்தமுகாமில் தெளிவாக கற்பிக்கப்படும்.
சென்னையில் உள்ள அமெரிக்க துணை தூதரகத்தின் விசாக் கூடத்தில் புதன்கிழமை மாலை 4 மணி முதல் 6 மணி வரை ஆலோசனை வழங்கப்படுகிறது.
விசா பிரிவு அதிகாரி:
இந்த தூதரகத்தின் விசா பிரிவு அதிகாரி டோனால்டு மாட்டிங்லி விசா பெறுவதற்கான வழிமுறைகள், அடிப்படைத் தேவைகள் போன்றவை குறித்துமாணவர்களுக்கு ஆலோசனை வழங்குகிறார்.
இதில் கலந்து கொள்ள விரும்புபவர்கள் தங்கள் பெயர்களை 8112049 என்ற தொலைபேசி எண்ணில் தொடர்பு கொண்டு பதிவு செய்து கொள்ளலாம் என்றுசென்னையில் உள்ள அமெரிக்க தூதரகம் அறிவித்துள்ளது.