பெட்ரோல் விலை குறையாது

கன்னியாகுமரி:

பெட்ரோலியப் பொருட்கள் விலையைக் குறைக்கக் கூடிய வாய்ப்புக்கள் இல்லை என்று மத்திய பெட்ரோலியத்துறை அமைச்சர் பொன்னுசாமிதெரிவித்தார்.

கன்னியாகுமரி வந்திருந்த அவர் நிருபர்களுக்கு அளித்த பேட்டி:

இந்தியாவில் 30 சதவீதம் பெட்ரோல் தான் கிடைக்கிறது. மீதியுள்ள 70 சதவீதம் பெட்ரோல் வெளி நாட்டிலிருந்துதான் கிடைக்கிறது. இது ரூ 89ஆயிரம் கோடிக்கு விற்பனை செய்யப்படுகிறது.

எண்ணெய் பொருட்களினால் ரூ 23 ஆயிரத்து 400 கோடிக்கு பற்றாக்குறை ஏற்பட்டுள்ளது.

சமையல் கியாஸ்:

தற்போது, சமையல் கியாஸ் மிக எளிதாகக் கிடைக்கிறது. சர்வதேச அளவில் கியாஸ் ஒன்றுக்கு இந்தியாவில் ரூ 163 மானியம் கொடுக்கப்படுகிறது.

எண்ணெய் உற்பத்தியைப் பெருக்கி 2002 ற்குள் மானியத்தை முழுவதுமாக நிறுத்திக் கொண்டு அரசாங்கத்திடம் ஒப்படைக்க முடிவு செய்துள்ளோம் என்றார்அமைச்சர் பொன்னுசாமி.