மடோனாவுக்கு நாளை 2-வது திருமணம்

டோர்நாக் (ஸ்காட்லாண்ட்):

அமெரிக்க பாப் இசைப் பாடகி மடோனாவுக்கும், இங்கிலாந்து திரைப்பட இயக்குநர் கை ரிட்சிக்கும்வெள்ளிக்கிழமை திருமணம் நடக்கிறது.

ஸ்காட்லாந்தில் உள்ள ஸ்கிபோ காஸ்டிலில் உள்ள கத்தீட்ரல் மண்டபத்தில் இவர்களது திருமணம் நடக்கிறது.கதீட்ரல் மண்டபத்தில் நடக்கும் மடோனாவின் திருமணத்தைக் காண உலகம் முழுவதிலுமிருந்து நூற்றுக்கணக்கானபத்திரிக்கை நிருபர்கள், தொலைக்காட்சி நிருபர்கள், புகைப்படக் கலைஞர்கள் குவிந்து விட்டனர்.

மடோனா திருமணத்தையொட்டி கத்தீட்ரல் ஹால் முழுவதும் பலத்த போலீஸ் பாதுகாப்பு போடப்பட்டுள்ளது.

பாதுகாப்புக்கள் குறித்து உயர் போலீஸ் அதிகாரி ஆலன் டிரம்மன்டு கூறுகையில், மடோனா திருமணத்தை பார்க்கவந்திருக்கும் பத்திரிக்கையாளர்களுக்கு போதிய வசதி அளிக்கப்பட்டிருக்கிறது. எந்த வித அசம்பாவிதச்சம்பவமும் ஏற்படாதவாறு பலத்த போலீஸ் பாதுகாப்பு போடப்பட்டுள்ளது.

இந்தத் திருமணம் மிகவும் சந்தோஷமான, பரவசமான நிகழ்ச்சியாக இருக்கும் என்பதில் சந்தேகமில்லை. மடோனா- கை ரிட்சி திருமணத்தையொட்டி ஸ்காட்லாந்த் நகரமே மிகுந்த உற்சாகத்துடன் காணப்படுகிறது. இருப்பினும்ரசிகர்களால் பிரச்சனைகளோ, பதட்டமான சூழ்நிலையோ ஏற்பட்டு விடுமோ என்று அஞ்சப்படுகிறது.மடோனாவுக்கும், கை ரிட்சிக்கும் பலத்த பாதுகாப்பு கொடுக்கப்பட்டுள்ளது என்றார்.

அலாஸ்தீர் டெய்லர் என்பவர் கூறுகையில், மடோனா திருமணம் வெள்ளிக்கிழமை நடக்கிறது. இதனால் வந்துகுவிந்துள்ள பத்திரிக்கையாளர்களைப் பார்க்கும்போது மிகுந்த எரிச்சல் ஏற்படுகிறது. சில நேரங்களில் அவர்களதுதொல்லைகளைத் தாங்க முடியவில்லை. பத்திரிக்கைக்காரர்கள் மடோனா திருமணத்துக்கு அதிக முக்கியத்துவம்கொடுக்கிறர்கள்.

மடோனாவின் முதல் திருமணம்:

1985 ம் வருடம் கலிபோர்னியாவில் மடோனாவின் முதல் திருமணம் நடந்தது. அப்போது திருமணம் நடந்துகொண்டிருந்த மண்டபத்தின் முன் பத்திரிக்கையாளர்களின் ஹெலிகாப்டர் வட்டமடித்துக் கொண்டிருந்தது.அதனால் இந்த முறை அது போல் பத்திரிக்கையாளர்கள் வரக்கூடாது என்பதில் மிகவும் கண்டிப்பாக இருக்கிறார்மடோனா என்றார்.

பியானோ:

மிகவும் ஆடம்பரமாக நடத்தப்படவுள்ள தனது திருமண வரவேற்பு நிகழ்ச்சிக்காக மடோனா 12, 500 பவுண்ட்மதிப்புள்ள பியானோ ஒன்றை வாடகைக்கு எடுத்திருக்கிறார்.