இன்று சூரிய கிரஹனம்

கிரகணங்கள் சூரிய கிரகணம், சந்திர கிரகணம் என்று இரண்டகாப் பிரிக்கப்பட்டுள்ளது. பூமிக்கும் சூரியனுக்கும் இடையே சந்திரன் வருவது சூரியகிரகணமாகும். சந்திரன் விலகும் வரை சூரியன் மறைக்கப்பட்டிருக்கும்.

பூமியின் நிழல் சந்திரன் மீது விழுவது சந்திர கிரகணமாகும். பூமியின் நிழல் சந்திரனை விட்டு விலகும் வரை சந்திர கிரகணம் நீடித்திருக்கும்.

இந்த கிரகணங்கள் உலகில் எல்லா நாடுகளிலும் எல்லா சமயங்களிலும் தெரிவதில்லை. கிரகணங்களின் சுற்றுப்பாதையில் மேற்கூறுய குறுக்கீடுநேரத்தைப் பொறுத்து கிரகணங்கள் அமைவதால் இவை சில நாடுகளில் மட்டுமே தெரிகின்றன.

இந்த ஆண்டு (விக்கிரம) இதுவரை இரண்டு சூரிய கிரஹணங்கள் வந்தன. அவை இரண்டும் இந்தியாவில் தெரியவில்லை. இந்நிலையில் மூன்றாவது சூரியகிரஹணம் 25.12.2000, திங்கட்கிழமை, அமாவாசையன்று நிகழவிருக்கிறது.

இந்த சூரிய கிரஹணமும் இந்தியாவில் தெரியாது.

கிரஹணம் இந்திய நேரப்படி இரவு 8 மணி 56 நிமிடத்திற்கு ஆரம்பித்து இரவு 1 மணி 13 நிமிடத்திற்கு முடிவடைகிறது.

இந்த சூரிய கிரஹணம் வட அமெரிக்காவிலும், மத்திய அமெரிக்காவிலும், கனடாவிலும் தெரியும். கிரீன்விச் நேரப்படி 17.28 மணிக்கு கிரகணத்தைப்பார்க்க முடியும்.