இந்தியன் வங்கியின் லாபம் அதிகரிப்பு

ஹைதராபாத்:

இந்தியன் வங்கி இந்த நிதி ஆண்டில் இதுவரை ரூ 18 கோடி வரை லாபம் ஈட்டியிருக்கிறது என அதன் நிர்வாகஇயக்குநர் ரஞ்சனா குமார் செவ்வாய்க்கிழமை தெரிவித்தார்.

இது குறித்து ஆந்திராவில் நடந்த இந்தியன் வங்கியின் அதிகாரிகளின் பொதுக்குழு கூட்டத்தில் அவர் கூறியதாவது:

இந்த நிதியாண்டில் இதுவரை முடிவடைந்துள்ள முதல் 6 மாதங்களில் முதலீடு ரூ 1,000 கோடியாகும். இதில்சேமிப்பு கணக்கில் மட்டும் ரூ 470 கோடி வரை முதலீடு செய்யப்பட்டுள்ளது.

அடுத்த ஆண்டு மார்ச் மாதம் 31-ம் தேதி வரை ரூ 600 கோடி வரை கடன் வசூல் செய்யப்பட வேண்டும் என்றஇலக்கு இருந்தது. ஆனால் டிசம்பர் 8-ம் தேதியே வங்கி ரூ 290 கோடி வசூல் செய்துள்ளது.

விருப்ப ஓய்வு முறை (வி.ஆர்.எஸ்) அமலாக்கப்பட்ட பின் வேறு எவரும் புதிதாக பணிக்கு அமர்த்தப்படமாட்டார்கள் என்றார் அவர்.