தென் மாநில சிறு தொழில் சங்கங்கள் இணைகின்றன

பாண்டிச்சேரி:

தென் மாநிலங்களில் உள்ள சிறு தொழில் நிறுவனங்களின் சங்கங்கள், பாண்டிச்சேரி மாநில சங்கத்தையும் சேர்த்துஒருங்கிணைந்து செயல்படவுள்ளன.

பாண்டிச்சேரி யூனியன் பிரதேச சிறு தொழில் சங்கத் தலைவர் பார்த்தசாரதி இதுகுறித்துக் கூறுகையில், தென்பிராந்திய அளவில் உள்ள 4 மாநில சிறு தொழில் நிறுவனங்களின் சங்கங்களும் பாண்டிச்சேரியுடன்ஒருங்கிணைந்து செயல்படவுள்ளன.

இதுகுறித்து பெங்களூரில் நவம்பர் மாதம் 27-ம் தேதி நடந்த கூட்டத்தில் விவாதிக்கப்பட்டது. டிசம்பர் மாதம்சென்னையில் இந்த கருத்துக்கு ஒப்புதல் தரப்பட்டது.

தென் பிராந்திய அளவில் அனைத்து சங்கங்களும் சேர்ந்து செயல்பட்டால், மத்திய அரசிடம் கோரிக்கையைவைப்பது எளிதாக இருக்கும். மேலும் கோரிக்கைகளுக்கும் கூடுதல் பலன் கிடைக்கும் என்றார் அவர்.

யு.என்.ஐ.